Texts

Help

Select a text:
Bibliography

Select a chapter:
(no revisions)
Show parallels Show headlines
Use dependency labeler

Chapter id: 13379

Click on a sentence to show its analysis
Keep the mouse pointer over a lemma to show its meanings.

kim abhīti / (1.1) Par.?

ādityam iti / (1.2) Par.?

tam ādityam abhipravahanti // (1.3) Par.?

sa ādityam āha vibhūḥ purastāt sampat paścāt / (2.1) Par.?

samyaṅ tvam asi / (2.2) Par.?

samīco manuṣyān aroṣī ruṣatas ta ṛṣiḥ pāpmānaṃ hanti / (2.3) Par.?

apahatapāpmā bhavati yas tvaivaṃ veda // (2.4) Par.?

saṃbhūr devo 'si sam aham bhūyāsam / (3.1) Par.?

ābhūtir asy ābhūyāsam / (3.2) Par.?

bhūtir asi bhūyāsam // (3.3) Par.?

yās te prajā upadiṣṭā nāhaṃ tava tāḥ paryemi / (4.1) Par.?

upa te tā diśāmi // (4.2) Par.?

ojo me balam me cakṣur me / (5.1) Par.?

tan me tvayi tan me mopahṛthā ity ādityam avocat // (5.2) Par.?

taṃ tathaivāgatam ādityaḥ pratinandaty ayaṃ te bhagavo lokaḥ / (6.1) Par.?

saha nāv ayaṃ loka iti // (6.2) Par.?

yad vāva me tvayīty āha tad vāva me punar dehīti // (7.1) Par.?

kiṃ nu te mayīti / (8.1) Par.?

ojo me balam me cakṣur me / (8.2) Par.?

tan me tvayi / (8.3) Par.?

tan me punar dehīti / (8.4) Par.?

tad asmā ādityaḥ punar dadāti // (8.5) Par.?

tam āha pra mā vaheti / (9.1) Par.?

kim abhīti / (9.2) Par.?

candramasam iti / (9.3) Par.?

taṃ candramasam abhipravahati // (9.4) Par.?

sa candramasam āha satyasya panthā na tvā jahāti / (10.1) Par.?

amṛtasya panthā na tvā jahāti // (10.2) Par.?

navo navo bhavasi jāyamāno bharo nāma brāhmaṇa upāsse / (11.1) Par.?

tasmāt te satyā ubhaye devamanuṣyā annādyam bharanti / (11.2) Par.?

annādo bhavati yas tvaivaṃ veda // (11.3) Par.?

saṃbhūr devo 'si sam aham bhūyāsam / (12.1) Par.?

ābhūtir asy ābhūyāsam / (12.2) Par.?

bhūtir asi bhūyāsam // (12.3) Par.?

yās te prajā upadiṣṭā nāhaṃ tava tāḥ paryemi / (13.1) Par.?

upa te tā diśāmi // (13.2) Par.?

mano me reto me prajā me punaḥsambhūtir me tan me tvayi tan me mopahṛthā iti candramasam avocat // (14.1) Par.?

taṃ tathaivāgataṃ candramāḥ pratinandaty ayaṃ te bhagavo lokaḥ / (15.1) Par.?

saha nāv ayaṃ loka iti // (15.2) Par.?

yad vāva me tvayīty āha tad vāva me punar dehīti // (16.1) Par.?

kiṃ nu te mayīti / (17.1) Par.?

mano me reto me prajā me punaḥsambhūtir me / (17.2) Par.?

tan me tvayi / (17.3) Par.?

tan me punar dehīti / (17.4) Par.?

tad asmai candramāḥ punar dadāti // (17.5) Par.?

tam āha pra mā vaheti // (18.1) Par.?

Duration=0.35439085960388 secs.