Texts

so vā etad upavasathe 'gnau praṇīyamāna āgacchat // (1) Par.?

tāṃ devās tatrābhajanta // (2) Par.?

tasmād u tatra prathamata evoccair anubrūyāt // (3) Par.?

yathainām āgatām anubudhyerannābhaktāṃ yajñe // (4) Par.?

pra devaṃ devyā dhiyeti pravantaṃ tṛcaṃ prahriyamāṇāyānvāha // (5) Par.?

iḍāyās tvā pade vayam iti // (6) Par.?

iyaṃ vā iḍā // (7) Par.?

asyāṃ hīdaṃ sarvam īṭṭe // (8) Par.?

jātavedo nidhīmahīti nihitavatārdharcena nidhīyamānam anustauti // (9) Par.?

agne viśvebhiḥ svanīka devaiḥ sīda hotaḥ sva u loke cikitvān ni hotā hotṛṣadane vidāna iti sannavatībhiḥ sannam anustauti // (10) Par.?

tvaṃ dūtas tvam u naḥ paraspā iti dūtavatyā paridadhāti // (11) Par.?

abhirūpā anvāha // (12) Par.?

yad yajñe abhirūpaṃ tat samṛddhaṃ yajñasyaiva samṛddhyai // (13) Par.?

tā vā aṣṭau bhavanti // (14) Par.?

etābhir vai devāḥ sarvā aṣṭīr āśnuvata // (15) Par.?

tatho evaitad yajamāna etābhir eva sarvā aṣṭīr aśnute // (16) Par.?

triḥ prathamayā trir uttamayā dvādaśa sampadyante // (17) Par.?

dvādaśa vai māsāḥ saṃvatsaraḥ // (18) Par.?

saṃvatsarasyaivāptyai // (19) Par.?

tāḥ samanūktā aṣṭādaśa gāyatryaḥ sampadyante // (20) Par.?

āgneyam eva chandobhiḥ // (21) Par.?

yasya ha kasya ca ṣaṭ samānasya chandasas tā gāyatrīm abhisaṃpadyante // (22) Par.?

yasya sapta tā uṣṇiham // (23) Par.?

yasyāṣṭau tā anuṣṭubham // (24) Par.?

yasya nava tā bṛhatīm // (25) Par.?

yasya daśa tāḥ paṅktim // (26) Par.?

yasya ekādaśa tās triṣṭubham // (27) Par.?

yasya dvādaśa tā jagatīm // (28) Par.?