Texts

Help

Select a text:
Bibliography
Select a chapter:
 (no revisions)
Associated topic(s): agniṣṭoma

Show parallels  Show headlines
Use dependency labeler
Chapter id: 14005
  • Click on a sentence to show its analysis
  • Keep the mouse pointer over a lemma to show its meanings.
vasatīvarīḥ parihriyamāṇāḥ pūrṇam adhvaryo prabharety anumantrayate / (1.1) Par.?
āgnīdhrīye sthāpyamānā uttarayā amūryā iti ca // (1.2) Par.?
dīkṣitas tatra vasati // (2.1) Par.?
apararātra ṛtvijaḥ prabodhitāḥ śālādvārye 'pa upaspṛśanti // (3.1) Par.?
havirupāvahṛta ityādi vaiśvānaro 'gniṣṭoma ityantābhir yajñatanūbhiḥ purā pracaritor āgnīdhrīye juhoti // (4.1) Par.?
yajūṃṣi yajña iti ca / (5.1) Par.?
viṣpardhāyāṃ caturbhiścaturbhiḥ purastāt prātaranuvākasya // (5.2) Par.?
enaṃ dakṣiṇenāhavanīyam apareṇātivrajyāsāda upaviśati // (6.1) Par.?
upaviṣṭe hotari hotāraṃ yad asmṛtīti hutvā purastāddhomān juhoti // (7.1) Par.?
pātaṃ na indrāpūṣaṇeti catvāri sūktāni prātaranuvākam anu japati // (8.1) Par.?
ambayo yantīti trīṇy aponaptrīyam // (9.1) Par.?
indra juṣasveti rājñy abhiṣūyamāṇe 'bhiṣavaṇahomān juhoti / (10.1) Par.?
upāṃśugrahahomam sūryo dyām ity udite / (10.2) Par.?
antaryāmīyaṃ ca // (10.3) Par.?
havirdhāne pūrveṇātītya khare copaviśya divas pṛthivyā iti madhusūktena rājānaṃ saṃśrayati // (11.1) Par.?
indrāya somam ṛtvija iti droṇakalaśastham anumantrayate // (12.1) Par.?
dhṛṣat pibeti mādhyandine // (13.1) Par.?
yatra vijānāti brahmant somo 'skan iti tam etayālabhyābhimantrayate / (14.1) Par.?
abhūd devaḥ savitā vandyo nū na idānīm ahna upavācyo nṛbhiḥ / (14.2) Par.?
vi yo ratnā bhajati mānavebhyaḥ śreṣṭhaṃ no atra draviṇaṃ yathā dadhad iti // (14.3) Par.?
ye agnayo apsv antar iti saptabhir abhijuhoti // (15.1) Par.?
adhvaryuḥ pratiprasthātā prastotodgātā pratihartā brahmā sunvan samanvārabdhā bahiṣpavamānāya visṛpya vaipruṣān homān juhvati drapsaś caskandeti / (16.1) Par.?
yas te drapsaḥ skandati yas te aṃśur bāhucyuto dhiṣaṇāyā upasthāt / (16.2) Par.?
adhvaryor vā pari yaḥ pavitrāt taṃ te juhomi manasā vaṣaṭkṛtam / (16.3) Par.?
drapsaḥ patito 'tyasyavaś ca yaḥ paraḥ srucaḥ / (16.4) Par.?
ayaṃ devo bṛhaspatiḥ saṃ taṃ siñcatu rādhase / (16.5) Par.?
yas te drapsaḥ patitaḥ pṛthivyāṃ dhānāsomaḥ parīvāpaḥ karambhaḥ / (16.6) Par.?
ayaṃ devo bṛhaspatiḥ saṃ taṃ siñcatu varcase / (16.7) Par.?
yan me skannam iti // (16.8) Par.?
Duration=0.13487100601196 secs.