UD type:
UD sub-type:
Unclear, revisit later
Texts
Help
Select a text:
Bibliography Select a chapter:
(no revisions)
Show parallels
Show headlines
Use dependency labeler
Chapter id: 12043
- Click on a sentence to show its analysis
- Keep the mouse pointer over a lemma to show its meanings.
ghnanti vā etat somaṃ yad abhiṣuṇvanti / (1.1)
Par.?
yat saumyo bhavati yathā mṛtāyānustaraṇīṃ ghnanti tādṛg eva tat / (1.2)
Par.?
yad uttarārdhe vā madhye vā juhuyāt devatābhyaḥ samadaṃ dadhyād dakṣiṇārdhe juhoty eṣā vai pitṝṇāṃ dik svāyām eva diśi pitṝn niravadayate / (1.3)
Par.?
udgātṛbhyo haranti sāmadaivatyo vai saumyo yad eva sāmnaś chambaṭkurvanti tasyaiva sa śāntiḥ / (1.4)
Par.?
īkṣante pavitraṃ vai saumya ātmānam eva pavayante / (2.1)
Par.?
ya ātmānaṃ na paripaśyed itāsuḥ syād abhidadiṃ kṛtvāvekṣeta tasmin hy ātmānam paripaśyaty atho ātmānam eva pavayate / (2.2)
Par.?
yo gatamanāḥ syāt so 'vekṣeta yan me manaḥ parāgataṃ yad vā me aparāgatam / (2.3)
Par.?
rājñā somena tad vayam asmāsu dhārayāmasīti mana evātman dādhāra // (2.4)
Par.?
na gatamanā bhavati / (3.1)
Par.?
apa vai tṛtīyasavane yajñaḥ krāmatījānād anījānam abhy āgnāvaiṣṇavyarcā ghṛtasya yajaty agniḥ sarvā devatā viṣṇur yajño devatāś caiva yajñaṃ ca dādhāra / (3.2)
Par.?
upāṃśu yajati mithunatvāya / (3.3)
Par.?
brahmavādino vadanti mitro yajñasya sviṣṭaṃ yuvate varuṇo duriṣṭaṃ kva tarhi yajñaḥ kva yajamāno bhavatīti yan maitrāvaruṇīṃ vaśām ālabhate mitreṇaiva // (3.4)
Par.?
yajñasya sviṣṭaṃ śamayati varuṇena duriṣṭaṃ nārtim ārchati yajamānaḥ / (4.1)
Par.?
yathā vai lāṅgalenorvarāṃ prabhindanty evam ṛksāme yajñam prabhintto yan maitrāvaruṇīṃ vaśām ālabhate yajñāyaiva prabhinnāya matyam anvavāsyati śāntyai / (4.2)
Par.?
yātayāmāni vā etasya chandāṃsi ya ījānaś chandasām eṣa raso yad vaśā yan maitrāvaruṇīṃ vaśām ālabhate chandāṃsy eva punar āprīṇāty ayātayāmatvāyātho chandaḥsv eva rasaṃ dadhāti // (4.3)
Par.?
Duration=0.042919874191284 secs.