Texts

Help

Select a text:
Bibliography
Select a chapter:
 (no revisions)
Associated topic(s): Agni

Show parallels  Show headlines
Use dependency labeler
Chapter id: 10053
  • Click on a sentence to show its analysis
  • Keep the mouse pointer over a lemma to show its meanings.
ni hotā hotṛṣadane vidānas tveṣo dīdivāṁ asadat sudakṣaḥ / (1.1) Par.?
adabdhavratapramatir vasiṣṭhaḥ sahasrambharaḥ śucijihvo agniḥ // (1.2) Par.?
tvaṃ dūtas tvam u naḥ paraspās tvaṃ vasya ā vṛṣabha praṇetā / (2.1) Par.?
agne tokasya nas tane tanūnām aprayucchan dīdyad bodhi gopāḥ // (2.2) Par.?
vidhema te parame janmann agne vidhema stomair avare sadhasthe / (3.1) Par.?
yasmād yoner udārithā yaje tam pra tve havīṃṣi juhure samiddhe // (3.2) Par.?
agne yajasva haviṣā yajīyāñchruṣṭī deṣṇam abhi gṛṇīhi rādhaḥ / (4.1) Par.?
tvaṃ hy asi rayipatī rayīṇāṃ tvaṃ śukrasya vacaso manotā // (4.2) Par.?
ubhayaṃ te na kṣīyate vasavyaṃ dive dive jāyamānasya dasma / (5.1) Par.?
kṛdhi kṣumantaṃ jaritāram agne kṛdhi patiṃ svapatyasya rāyaḥ // (5.2) Par.?
sainānīkena suvidatro asme yaṣṭā devāṁ āyajiṣṭhaḥ svasti / (6.1) Par.?
adabdho gopā uta naḥ paraspā agne dyumad uta revad didīhi // (6.2) Par.?
Duration=0.24006199836731 secs.