Texts

Help

Select a text:
Bibliography
Select a chapter:
 (no revisions)
Associated topic(s): Magic, rites with a purpose, abhicāra

Show parallels  Show headlines
Use dependency labeler
Chapter id: 10464
  • Click on a sentence to show its analysis
  • Keep the mouse pointer over a lemma to show its meanings.
dyāvāpṛthivī urv antarikṣaṃ kṣetrasya patny urugāyo 'dbhutaḥ / (1.1) Par.?
utāntarikṣam uru vātagopaṃ ta iha tapyantāṃ mayi tapyamāne // (1.2) Par.?
idaṃ devāḥ śṛṇuta ye yajñiyā stha bharadvājo mahyam ukthāni śaṃsati / (2.1) Par.?
pāśe sa baddho durite ni yujyatāṃ yo asmākaṃ mana idaṃ hinasti // (2.2) Par.?
idam indra śṛṇuhi somapa yat tvā hṛdā śocatā johavīmi / (3.1) Par.?
vṛścāmi taṃ kuliśeneva vṛkṣaṃ yo asmākaṃ mana idaṃ hinasti // (3.2) Par.?
aśītibhis tisṛbhiḥ sāmagebhir ādityebhir vasubhir aṅgirobhiḥ / (4.1) Par.?
iṣṭāpūrtam avatu naḥ pitṝṇām āmuṃ dade harasā daivyena // (4.2) Par.?
dyāvāpṛthivī anu mā dīdhīthāṃ viśve devāso anu mā rabhadhvam / (5.1) Par.?
aṅgirasaḥ pitaraḥ somyāsaḥ pāpam ā ṛcchatv apakāmasya kartā // (5.2) Par.?
atīva yo maruto manyate no brahma vā yo nindiṣat kriyamāṇam / (6.1) Par.?
tapūṃṣi tasmai vṛjināni santu brahmadviṣaṃ dyaur abhisaṃtapāti // (6.2) Par.?
sapta prāṇān aṣṭau majjñas tāṃs te vṛścāmi brahmaṇā / (7.1) Par.?
ayā yamasya sādanam agnidūto araṃkṛtaḥ // (7.2) Par.?
ā dadhāmi te padaṃ samiddhe jātavedasi / (8.1) Par.?
agniḥ śarīraṃ veveṣṭv asuṃ vāg api gacchatu // (8.2) Par.?
Duration=0.060651779174805 secs.