Texts
Select a text:
Bibliography
Bibliography
Select a chapter:
1 revision
Show parallels Show headlines
Use dependency labeler
1 revision
Associated topic(s): agnyādhāna, agnyādheya
Show parallels Show headlines
Use dependency labeler
Chapter id: 11561
- Click on a sentence to show its analysis
- Keep the mouse pointer over a lemma to show its meanings.
tad āhuḥ kena juhoti kasmin hūyata iti // (1) Par.?
prāṇenaiva juhoti prāṇe hūyate // (2) Par.?
tad yad etad agnīn manthanti prāṇāñ janayanti // (3) Par.?
tad yāvad vai manthanti na tarhi prāṇiti // (4) Par.?
araṇyor evāsya tarhi prāṇā bhavanti // (5) Par.?
tasya vai mathyamānasya bhasmāvaśīyate // (6) Par.?
annam evāsya taj jāyate // (7) Par.?
annaṃ ma etad ajanīty eva tad vidyāt // (8) Par.?
dhūmo 'nu ninardati // (9) Par.?
mana evāsya taj jāyate // (10) Par.?
mano ma etad ajanīty eva tad vidyāt // (11) Par.?
aṅgāro 'nu nirvartate // (12) Par.?
cakṣur evāsya taj jāyate // (13) Par.?
cakṣur ma etad ajanīty eva tad vidyāt // (14) Par.?
sa eṣo 'ṅgāra etāni bhasmāni grasate // (15) Par.?
yathā kumāro jātaḥ stanam abhipadyeta tathā tiryaṅ visarpati // (16) Par.?
śrotram evāsya taj jāyate // (17) Par.?
śrotraṃ ma etad ajanīty eva tad vidyāt // (18) Par.?
upari tṛṇāni dhunoti // (19) Par.?
prāṇa evāsya sa jāyate // (20) Par.?
prāṇo ma eṣo 'janīty eva tad vidyāt // (21) Par.?
bhā ity uddīpyate // (22) Par.?
vāg evāsya sā jāyate // (23) Par.?
vāṅ ma eṣājanīty eva tad vidyāt // (24) Par.?
sa etān pañca prāṇāñ janayate // (25) Par.?
tāṃs tredhā vyūhya devān kṛtvā teṣu juhvad āste // (26) Par.?
devā haivāsya devā bhavanti // (27) Par.?
ime tv evāsya devā bhavanti yeṣu juhvad āste // (28) Par.?
Duration=0.090382099151611 secs.