Texts

Help

Select a text:
Bibliography
Select a chapter:
 (no revisions)
Associated topic(s): cow, vaśā

Show parallels  Show headlines
Use dependency labeler
Chapter id: 12362
  • Click on a sentence to show its analysis
  • Keep the mouse pointer over a lemma to show its meanings.
tām abruvan somāyodehi tṛtīyena cātmanas tṛtīyena ca sahasrasyeti // (1) Par.?
sā babhruḥ piṅgākṣy udait tṛtīyena cātmanas tṛtīyena ca sahasrasya // (2) Par.?
saiṣā somakrayaṇī // (3) Par.?
tṛtīyena ca ha vai tasyai tṛtīyena ca sahasrasya saha somo rājā krīto bhavati // (4) Par.?
tām punar evāpsu prāveśayan // (5) Par.?
tām abruvann indrāyodehi tṛtīyena cātmanas tṛtīyena ca sahasrasyeti // (6) Par.?
sā śabalī paṣṭhauhy udait tṛtīyena cātmanas tṛtīyena ca sahasrasya // (7) Par.?
saiṣendreṣyā dīyate // (8) Par.?
tṛtīyena ca ha vai tasyai tṛtīyena ca sahasrasya saha sā dattā bhavati // (9) Par.?
tām punar evāpsu prāveśayan // (10) Par.?
tām abruvan yamāyodehi tṛtīyena cātmanas tṛtīyena ca sahasrasyeti // (11) Par.?
sā dhūmrā dityauhy udaid īrmato hrasīyasī paścād varṣīyasī jaratīva kuṣṭhāśṛṅgī tṛtīyena cātmanas tṛtīyena ca sahasrasya // (12) Par.?
saiṣānustaraṇī // (13) Par.?
tṛtīyena ca ha vai tasyai tṛtīyena ca sahasrasya saha sānustaraṇī kṛtā bhavati // (14) Par.?
no hācakrur iva manyeta // (15) Par.?
Duration=0.048054933547974 secs.