Texts

Help

Select a text:
Bibliography

Select a chapter:
(no revisions)

Associated topic(s): cow

Show parallels Show headlines
Use dependency labeler

Chapter id: 12363

Click on a sentence to show its analysis
Keep the mouse pointer over a lemma to show its meanings.

tad āhur nāmuṣmin loke sahasrasyāvakāśo 'sti // (1) Par.?

ātmane vaiva na vātmane caneti // (2) Par.?

tad āhuḥ kiyad ita svargo loka iti // (3) Par.?

yāvat sahasraṃ gaur gavy adhi pratiṣṭhitā tāvad iti brūyāt // (4) Par.?

atho yāvat sahasraṃ prāṇaiḥ saṃ prāṇantīty atho yāvat sahasram āśvīnānīty atho yāvat sahasraṃ yojanānīty atho yāvat sahasram ahnyānīti // (5) Par.?

tad gavā gavaivāpnoti // (6) Par.?

sā yaiṣā śabalī paṣṭhauhy upainam eṣāmuṣmin loke kāmadughā bhūtvā tiṣṭhate ya evaṃ veda // (7) Par.?

tārpyaṃ pratyasya dakṣiṇā nayati sahasrasya sayonitāyai // (8) Par.?

sahasraṃ vai yad asṛjata tasya tārpyam eva yonir āsīt // (9) Par.?

tad yat tārpyaṃ pratyasya sa dakṣiṇā nayati sayony eva tat sahasraṃ karoti // (10) Par.?

upa hainaṃ sahasraṃ dadivāṃsaṃ sayonisahasraṃ tiṣṭhate ya evaṃ veda // (11) Par.?

sā yā sahasratamī syāt tasyai karṇam ājaped iḍe rante mahi viśruti śukre candre havye kāmye 'dite sarasvaty etāni te 'ghnye nāmāni deveṣu naḥ sukṛto brūtād iti // (12) Par.?

sukṛtaṃ ha vā enaṃ deveṣv āha // (13) Par.?

tām kalaśam apaghrāpayaty apajighra kalaśaṃ mahyā tvā viśantv indavaḥ sā no dhukṣaḥ sahasram urudhārā payasvatīti // (14) Par.?

upa hainaṃ sahasraṃ dadivāṃsaṃ sahasraṃ tiṣṭhate ya evaṃ veda // (15) Par.?

Duration=0.040924072265625 secs.