Texts

Select a text:
Bibliography

Select a chapter:
(no revisions)

Associated topic(s): agnihotra

Show parallels Show headlines
Use dependency labeler

Chapter id: 12733

brahmavādino vadanti // (1) Par.?

kasmāt sāyam agnim upatiṣṭhante kasmāt prātar neti // (2) Par.?

asau vā ādityaḥ sāyam āsuvati // (3) Par.?

tasmāt sāyam upatiṣṭhante // (4) Par.?

eṣa prātaḥ prasuvati // (5) Par.?

tasmāt prātar nopatiṣṭhante // (6) Par.?

tasmāt sāyam ahute 'gnihotre 'gnihotriṇā nāśitavyam // (7) Par.?

tasmād u prātar ahute nāśitavyam // (8) Par.?

tasmāt sāyam atithaye pratyenasaḥ // (9) Par.?

puṇyatvāt tu prātar dadati // (10) Par.?

I 5,7(2)

prātaravanegena prātar upastheyaḥ // (11) Par.?

adhiśrita unnīyamāne vā hastā avanenijīta // (12) Par.?

tatra vihavyasya catasrā ṛco vadet prātaravanege catasraḥ // (13) Par.?

prātaravanegena vā anāptam āpnoti // (14) Par.?

anavaruddham avarunddhe // (15) Par.?

tad anāptam evaitenāpnoti // (16) Par.?

anavaruddham avarunddhe // (17) Par.?

I 5,7(3)

abibhed vā eṣa uddhṛtaḥ // (18) Par.?

taṃ devāś chandobhiḥ paryastṛṇan // (19) Par.?

yad upatiṣṭhate chandobhir evainaṃ paristṛṇāti // (20) Par.?

abhayam asmā akaḥ // (21) Par.?

I 5,7(4)

agnīṣomīyayā pūrvapakṣa upastheyaḥ // (22) Par.?

agnīṣomīyo vai pūrvapakṣaḥ // (23) Par.?

aparapakṣāyaivainaṃ paridadāti // (24) Par.?

aindrāgnyāparapakṣa upastheyaḥ // (25) Par.?

aindrāgno vā aparapakṣaḥ // (26) Par.?

pūrvapakṣāyaivainaṃ paridadāti // (27) Par.?

sarvā ha vā enaṃ devatāḥ saṃpradāyam anapekṣaṃ gopāyanti ya evaṃ vidvān agnim upatiṣṭhate // (28) Par.?

Duration=0.11278796195984 secs.