Texts

Select a text:
Bibliography

Select a chapter:
1 revision

Associated topic(s): gavām ayana, gavāmayana, sāman

Show parallels Show headlines
Use dependency labeler

Chapter id: 12982

Click on a sentence to show its analysis
Keep the mouse pointer over a lemma to show its meanings.

devā vai vācaṃ vyabhajanta tasyā yo raso 'tyaricyata tad gaurīvitam abhavad anuṣṭubham anu pariplavate vāg anuṣṭub vāco raso gaurīvitam // (1) Par.?

yad gaurīvitenānvahaṃ stuvate vācy eva tad vācā rasaṃ dadhati // (2) Par.?

rasavad vācā vadati ya evaṃ vedeti // (3) Par.?

dvyudāsaṃ bhavati svargasya vā etau lokasyāvasānadeśau pūrveṇaiva pūrvam ahaḥ saṃsthāpayanty uttareṇottaram ahar abhyativadanti // (4) Par.?

etad vai yajñasya śvastanaṃ yad gaurīvitaṃ yad gaurīvitam anusṛjeyur aśvastanā aprajasaḥ syuḥ // (5) Par.?

saṃ vā anyo yajñas tiṣṭhata ity āhur vāg eva na saṃtiṣṭhata iti yad gaurīvitam anvahaṃ bhavati vācam eva tat punaḥ prayuñjate // (6) Par.?

svarṇidhanam anvahaṃ bhavati // (7) Par.?

devakṣetraṃ vā ete 'bhyārohanti ye svarṇidhanam upayanti sa u vai sattriṇaḥ sattram upanayed ity āhur ya enān devakṣetram abhyārohayed iti na vai devakṣetra āsīna ārtim ārchati yat svarṇidhanam anvahaṃ bhavati naiva kāṃcanārtim ārchanti // (8) Par.?

cyavante vā ete 'smāllokād ity āhur ye svarṇidhanam upayantīti yad ṛcā svarūpaṃ yanty asmiṃlloke pratitiṣṭhanti yad ekāro 'ntarikṣe yat sāmnāmuṣmin sarveṣu lokeṣu pratitiṣṭhanti svarṇidhanena tuṣṭuvānāḥ // (9) Par.?

sujñānaṃ bhavati // (10) Par.?

devā vai svargaṃ lokaṃ yanto 'jñānād abibhayus ta etat sujñānam apaśyaṃs tena jñātram agacchan yat sujñānam anvahaṃ bhavati jñātram eva gacchanti // (11) Par.?

Duration=0.048563957214355 secs.