Texts

Help

Select a text:
Bibliography

Select a chapter:
(no revisions)

Associated topic(s): sāman

Show parallels Show headlines
Use dependency labeler

Chapter id: 13281

Click on a sentence to show its analysis
Keep the mouse pointer over a lemma to show its meanings.

yo 'sau sāmnaḥ prattiṃ veda pra hāsmai dīyate // (1.1) Par.?

dadā iti ha vā ayam agnir dīpyate tatheti vāyuḥ pavate hanteti candramā om ity ādityaḥ // (2.1) Par.?

eṣā ha vai sāmnaḥ prattiḥ / (3.1) Par.?

etāṃ ha vai sāmnaḥ prattiṃ sudakṣiṇaḥ kṣaimir vidāṃcakāra // (3.2) Par.?

tāṃ haitāṃ hotur vājye gāyen maitrāvaruṇasya vā tāṃ dadā3 tathā3 hantā3 him bhā ovā iti / (4.1) Par.?

pra ha vā asmai dīyate // (4.2) Par.?

so 'py anyān bahūn uparyupari ya evam etāṃ sāmnaḥ prattiṃ veda // (5.1) Par.?

ya u ha vā abandhur bandhumat sāma veda yatra hāpy enaṃ na vidur yatra roṣanti yatra parīva cakṣate taddhāpi śraiṣṭhyam ādhipatyam annādyam purodhām paryeti // (6.1) Par.?

agnir ha vā abandhur bandhumat sāma / (7.1) Par.?

kasmād vā hy enaṃ dāroḥ kasmād vā paryāvṛtya manthanti sa śraiṣṭhyāyādhipatyāyānnādyāya purodhāyai jāyate // (7.2) Par.?

sa yatra ha vā apy evaṃvidaṃ na vidur yatra roṣanti yatra parīva cakṣate taddhāpi śraiṣṭhyam ādhipatyam annādyam purodhām paryeti // (8.1) Par.?

Duration=0.037242889404297 secs.