Texts

prāyaścittaṃ cet kartavyaṃ syād bhūḥ svāhetigārhapatye juhuyāt / (1.1) Par.?

bhuvaḥ svāheti dakṣiṇāgnau āgnīdhrīye sutyā cet / (1.2) Par.?

svaḥ svāhetyāhavanīye / (1.3) Par.?

bhūr bhuvaḥ svāheti tatraiva // (1.4) Par.?

hutvā brūyāc ceṣṭatākārṣma prāyaścittamiti // (2) Par.?

avelāyāṃ cedvyāharedayajñiyaṃ vāpadyetaitā eva vyāhṛtīranuprekṣeta // (3) Par.?

idaṃ viṣṇuriti varcam // (4) Par.?

amāvāsyāyāṃ dohanapavitre mārjayerann āpohiṣṭhīyābhiḥ // (5) Par.?

bahuvacanāt sarve 'pi karmānvitāḥ kuryuḥ // (6) Par.?

tadabhāve dārbhe // (7) Par.?

sarveṣṭiṣviti śāṇḍilyāyanaḥ // (8) Par.?

prāśitramāhriyamāṇaṃ pratimantrayeta mitrasya tvā cakṣuṣā pratipaśyāmīti // (9) Par.?

apa ācamya devasya tveti pratigṛhṇīyāt // (10) Par.?

vyūhya tṛṇāni purastād daṇḍaṃ sādayet pṛthivyāstvā nābhau sādayāmīti // (11) Par.?

aṅguṣṭhenānāmikayā cādāyāgneṣ ṭvāsyena prāśnāmīti prāśnīyāt // (12) Par.?

asaṃkhādaṃ nigiret // (13) Par.?

apa ācamyorasi pāṇiṃ nidadhītendrasya tvā jaṭhare sādayāmīti // (14) Par.?

prakṣālya prāśitraharaṇaṃ tatra nidadhyāt // (15) Par.?

yathāhṛtaṃ vā pratihārayet // (16) Par.?

brahmabhāgam āhṛtam agrata upanidadhīta // (17) Par.?

tamiṣṭau saṃsthitāyāṃ prāśnīyāt // (18) Par.?

anvāhāryamantareṇa brahmāṇaṃ yajamānaṃ ca haret // (19) Par.?

svayaṃ ced brahmā yajamānaḥ syātpūrveṇainam // (20) Par.?

hṛtvā tamantarvedi sannaṃ tūṣṇīmālabheta // (21) Par.?

prajāpaterbhāgo'sīti vā // (22) Par.?

athāparaṃ prajāpater bhāgo 'sy ūrjasvānpayasvān / (23.1) Par.?

akṣito'sya kṣityai tvā / (23.2) Par.?

prāṇāpānau me pāhi samānavyānau me pāhyudānarūpe me pāhi / (23.3) Par.?

ūrg asy ūrjaṃ mayi dhehīti // (23.4) Par.?

tatraiva yajamānaṃ vācayet prajāpatiṃ tvayā samakṣam ṛdhyāsam ā mā gamyā anvāhāryaṃ dadāni brahman brahmāsi brahmaṇe tvāhutādya mā mā hiṃsīr ahuto mahyaṃ śivo bhaveti // (24) Par.?