Texts

Help

Select a text:
Bibliography
Select a chapter:
 (no revisions)
Associated topic(s): pṛṣṭha

Show parallels  Show headlines
Use dependency labeler
Chapter id: 15476
  • Click on a sentence to show its analysis
  • Keep the mouse pointer over a lemma to show its meanings.
aṣṭākṣareṇa prastauti // (1) Par.?
dvyakṣareṇottare prastauty abhikrāntyā evānapabhraṃśāya // (2) Par.?
aṣṭākṣareṇa prastauti // (3) Par.?
dvyakṣareṇottare prastauti // (4) Par.?
dvipādam eva tad aṣṭāśapheṣu paśuṣv adhyūhati // (5) Par.?
tasmād dvipād aṣṭāśaphān paśūn adhitiṣṭhati // (6) Par.?
aṣṭākṣareṇa prastauti // (7) Par.?
dvyakṣareṇottare dve prastauti // (8) Par.?
tad dvādaśa sampadyante // (9) Par.?
dvādaśa māsāḥ saṃvatsaraḥ // (10) Par.?
saṃvatsaraḥ prajāpatir yajñaḥ // (11) Par.?
saṃvatsaram evaitena prajāpatiṃ yajñam āpnoti // (12) Par.?
akṣareṣu rathantaraṃ karoti // (13) Par.?
tasmād areṇāreṇa rathaḥ pratitiṣṭhann eti // (14) Par.?
rathantareṇa vai devā asurān saṃvicya bṛhatā jālenevābhinyaubjan // (15) Par.?
rathantareṇaiva dviṣantaṃ bhrātṛvyaṃ saṃvicya bṛhatā jālenevābhinyubjati ya evaṃ veda // (16) Par.?
rathantareṇa vai devā ūrdhvāḥ svargaṃ lokam āyan // (17) Par.?
tāny asurarakṣasāni navanavataya imān lokān avṛṇvan // (18) Par.?
rathā ha nāmāsuḥ // (19) Par.?
te devā rathantareṇaiva stutvā rathantaraṃ samāruhya svargaṃ lokam agacchan // (20) Par.?
te 'bruvann atāriṣma vā imān rathān iti // (21) Par.?
tad eva rathantarasya rathantaratvam // (22) Par.?
tarati dviṣantaṃ bhrātṛvyaṃ ya evaṃ veda // (23) Par.?
Duration=0.19843983650208 secs.