Texts

traitaṃ nāthakāmaḥ kurvīta // (1) Par.?

āptyān sātena yato 'raṇye pipāsāvindat // (2) Par.?

te dhanvan kūpam avindan // (3) Par.?

tan naikato 'varoḍhum akāmayata na dvitaḥ // (4) Par.?

tat trito 'vārohat // (5) Par.?

tau yadāpibatām atṛpyatām atha hainaṃ tad eva rathacakreṇāpidhāya gobhiḥ praitām // (6) Par.?

so 'kāmayatod ita iyāṃ gātuṃ nāthaṃ vindeyeti // (7) Par.?

sa etat sāmāpaśyat // (8) Par.?

tenāstuta // (9) Par.?

sa sam indubhir ity eva nidhanam upait // (10) Par.?

taṃ parjanyo vṛṣṭyordhvam udaplāvayat // (11) Par.?

abhi hi tad rathacakram utplāvayāṃcakāra yenāpihita āsa // (12) Par.?

tad etad gātuvin nāthavit sāma // (13) Par.?

gātuṃ vai sa tan nātham avindata // (14) Par.?

vindate gātuṃ nāthaṃ ya evaṃ veda // (15) Par.?

sa padenānvait // (16) Par.?

taṃ pratikhyāyāyantam ṛkṣo 'nyo bhūtvā markaṭo 'nyo vanam avāskandatām // (17) Par.?

tad u bhrātṛvyahā // (18) Par.?

bhrātṛvyatāṃ vāva tasya tāv agacchatāṃ yāv ṛkṣaṃ ca markaṭaṃ cākarot // (19) Par.?

atho hāsmai varṣuka eva parjanyo bhavati // (20) Par.?

tad u paśavyam eva // (21) Par.?

kevalān vai sa tān paśūn akuruta // (22) Par.?

ava paśūn runddhe bahupaśur bhavati ya evaṃ veda // (23) Par.?

yad u trita āptyo 'paśyat tasmāt traitam ity ākhyāyate // (24) Par.?