Texts

Help

Select a text:
Bibliography
Select a chapter:
 (no revisions)
Associated topic(s): snāna, bathing

Show parallels  Show headlines
Use dependency labeler
Chapter id: 15790
  • Click on a sentence to show its analysis
  • Keep the mouse pointer over a lemma to show its meanings.
apareṇāgniṃ prāṅmukha upaviśya sopadhānaṃ maṇiṃ pravayati sapāśaṃ bādaraṃ maṇim // (1.1) Par.?
udapātre 'vadhāya pradakṣiṇaṃ paryāplāvayatīyam oṣadhe trāyamāṇā sahamānā sahasvatī sā mā hiraṇyavarcasaṃ brahmavarcasinaṃ mā karotv ity uddhṛtyākṣṇayaiva paryāhṛtya pratimuñcate 'pāśo 'sīti // (2.1) Par.?
urasi sthāpayaty uro me mā saṃśārīḥ śivo mopaśeṣva mahyaṃ dīrghāyutvāya śataśāradāyeti hastena bādaraṃ maṇim ūrg asīti // (3.1) Par.?
arkī maṇir brāhmaṇasya pulako vaiśyasya rājño gardabhasugrīvaḥ / (4.1) Par.?
arkī maṇir brāhmaṇasya vaiśyasya pulako maṇiḥ / (4.2) Par.?
rājño gardabhasugrīvo yasya kasya kapitthaka iti maṇidhāraṇe gāthā bhavati // (4.3) Par.?
nidhāyāhatam antaraṃ paridhatta āyuṣe tveti // (5.1) Par.?
jarām aśīyety uttaram ahatasya daśāyāṃ pravartau prabadhya darvyām ādhāyājyasyopaghātaṃ juhoty āyuṣyaṃ varcasyaṃ suvīryaṃ rāyaspoṣam audbhidyam idaṃ hiraṇyam āyuṣe varcase jaitriyāyāviśatān māṃ svāhā / (6.1) Par.?
uccair vāji pṛtanājit satrāsāhaṃ dhanaṃjayam / (6.2) Par.?
sarvāḥ samṛddhīr ṛddhayo hiraṇye 'smin samāhitāḥ svāhā / (6.3) Par.?
śunamaḍaṃ hiraṇyasya pitur iva nāmāgrabhaiṣam / (6.4) Par.?
taṃ mā hiraṇyavarcasaṃ puruṣu priyaṃ kuru svāhā / (6.5) Par.?
priyaṃ mā deveṣu kuru priyaṃ mā brāhmaṇe kuru / (6.6) Par.?
priyaṃ viśveṣu śūdreṣu priyaṃ rājasu mā kuru svāhā / (6.7) Par.?
saṃrājaṃ ca svarājaṃ cābhiṣṭīryā ca no gṛhe / (6.8) Par.?
lakṣmī rāṣṭrasya yā mukhe tayā mā saṃsṛjāmasi svāheti // (6.9) Par.?
Duration=0.070060014724731 secs.