Texts

rathantarasāmnā yaṣṭavyā3ṃ bṛhatsāmnā3 iti mīmāṃsante // (1) Par.?

rathantarasāmneti hāhuḥ sāvayasāḥ // (2) Par.?

idaṃ rathantaram // (3) Par.?

idaṃ vidma // (4) Par.?

ko viditād aviditam upeyāt // (5) Par.?

yathā ha vai kūpasya khātasya gambhīrasya paras tamisram iva dadṛśa evaṃ ha vai śaśvat parastād antarikṣasyāsau lokaḥ // (6) Par.?

tat kas tad veda yadi tatrāsti vā na vā // (7) Par.?

adhy u ha vai śaśvad asminn eva loke 'sau lokaḥ // (8) Par.?

itaḥpradānāddhy asau loko jīvati // (9) Par.?

yā hīta āhutayo gacchanti tā asau loka upajīvati // (10) Par.?

sa yo 'pi daśa kṛtvo yajeta rathantarasāmnaiva yajeteti // (11) Par.?

bṛhatsāmnā yaṣṭavyam ity āhur āruṇisātyayajñayaḥ // (12) Par.?

ado bṛhat // (13) Par.?

tad ada upakrāntam apahatapāpmaṃ śvovasīyasam // (14) Par.?

nādhiṣṭhīvanti nādhicaranti nādhyāsate // (15) Par.?

bahur imaṃ lokam apavadati // (16) Par.?

bahur avamīmāṃsate // (17) Par.?

ubhāv asmiñ jīvataḥ puṇyakṛc ca pāpakṛc ca // (18) Par.?

athāda upakrāntam apahatapāpmaṃ śvovasīyasam // (19) Par.?

nāmuṣmin pāpakṛj jīvati // (20) Par.?

adhy u ha vai śaśvad amuṣminn eva loke 'yaṃ lokaḥ // (21) Par.?

amutaḥpradānāddhy ayaṃ loko jīvati // (22) Par.?

yā hy amuto vṛṣṭiḥ pradīyate tām ayaṃ loka upajīvati // (23) Par.?

sa yo 'pi daśa kṛtvo yajeta bṛhatsāmnaiva yajeteti // (24) Par.?

ubhayasāmnā yaṣṭavyam iti ha smāha śāṭyāyanir etayor ubhayoḥ kāmayor upāptyai // (25) Par.?

tatheti tāv ubhau kāmāv upāpnotīti // (26) Par.?

tad asyaitat sāma kṛtsnaṃ yuktaṃ yajñaṃ vahati // (27) Par.?