Texts

Help

Select a text:
Bibliography
Select a chapter:
 (no revisions)
Associated topic(s): agniṣṭoma

Show parallels  Show headlines
Use dependency labeler
Chapter id: 16273
  • Click on a sentence to show its analysis
  • Keep the mouse pointer over a lemma to show its meanings.
gāyatrīṃ gāyati // (1) Par.?
prāṇo vai gāyatrī // (2) Par.?
tasyai dve akṣare vyatiṣajati // (3) Par.?
o3rvāṇo aśiśrā de3yurvaṃ devāya dā iti vyatiṣajati // (4) Par.?
sa prāṇaḥ // (5) Par.?
sa vāyuḥ // (6) Par.?
triṣṭubhaṃ gāyati // (7) Par.?
cakṣur vai triṣṭup // (8) Par.?
tasyai dve akṣare dyotayati // (9) Par.?
ṣodhā ity ete dyotayati // (10) Par.?
tad idaṃ cakṣuḥ // (11) Par.?
so 'sāv ādityaḥ // (12) Par.?
jagatīṃ gāyati // (13) Par.?
śrotraṃ vai jagatī // (14) Par.?
tasyai catvāry akṣarāṇi dyotayati // (15) Par.?
somāś śukrā iti śukravatī pade dyotayati // (16) Par.?
tad idaṃ śrotram // (17) Par.?
tā imā diśaḥ // (18) Par.?
anuṣṭubhaṃ gāyati // (19) Par.?
vāg vā anuṣṭup // (20) Par.?
tām arvācīm abhinudan gāyati // (21) Par.?
o3 vājaṃ vājy akrāmā3 iti niruktaṃ padaṃ gāyati // (22) Par.?
nuṣa iti nirāha // (23) Par.?
sā vāk // (24) Par.?
sa prajāpatiḥ // (25) Par.?
paṅktiṃ gāyati // (26) Par.?
ṛtavo vai paṅktiḥ // (27) Par.?
tasyai ṣaḍ akṣarāṇi dyotayati // (28) Par.?
pavasvā sūryā iti sūryavatī pade dyotayati // (29) Par.?
Duration=0.071129083633423 secs.