Texts

Help

Select a text:
Bibliography
Select a chapter:
 (no revisions)
Associated topic(s): agniṣṭoma

Show parallels  Show headlines
Use dependency labeler
Chapter id: 16293
  • Click on a sentence to show its analysis
  • Keep the mouse pointer over a lemma to show its meanings.
athaitat saṃhitaṃ brahma savanamukhe kriyate // (1) Par.?
tad etat svayampraśastaṃ yad brahma // (2) Par.?
tasminn u praśasta eva saty eṣā bhūyasī praśaṃsā kriyate yad etad om ity ādatte // (3) Par.?
asāv āditya etad akṣaram // (4) Par.?
tad etat trayasya vedasyāpīḍitam akṣaram // (5) Par.?
sa yad om ity ādatte 'mum evaitad ādityaṃ mukha ādhatte // (6) Par.?
sa yathā madhunā lājān prayuyād evam evaitenākṣareṇa sāman rasaṃ dadhāti // (7) Par.?
tad āpyāyayati // (8) Par.?
tenāsyāpīnena rasavatā stutaṃ bhavati // (9) Par.?
pratihriyamāṇaṃ sāmāvasīdatīty āhuḥ kuravaḥ // (10) Par.?
sa yad ūrdhvaṃ pratihārād udgṛhṇāti tad utthāpayatīti // (11) Par.?
sāmann u haivaitat sāmābhigīyate // (12) Par.?
taddha vai sugītam // (13) Par.?
yat sāman sāmābhigāyāt sāmann evedaṃ sāmābhigāyāmīty eva tad vidyāc chreṣṭhatām anena svānāṃ gamiṣyāmīti // (14) Par.?
Duration=0.032758951187134 secs.