Texts

Help

Select a text:
Bibliography
Select a chapter:
 (no revisions)
Associated topic(s): agniṣṭoma, penance, prāyaścitta, prāyaścitta

Show parallels  Show headlines
Use dependency labeler
Chapter id: 16302
  • Click on a sentence to show its analysis
  • Keep the mouse pointer over a lemma to show its meanings.
pra vo vājā abhidyava ity āgneyam ājyaṃ bhavati // (1) Par.?
pravat tyad devatānāṃ rūpam abhibhūtyai rūpam // (2) Par.?
abhy evainān bhavanti // (3) Par.?
ābhīkam abhinidhanam abhīvartam ābhīśavam ity etāni sāmāni bhavanty abhibhūtyai rūpam // (4) Par.?
abhy evainān bhavanti // (5) Par.?
vihavīyaṃ sajanīyam agastyasya kayāśubhīyam ity etāni śastrāṇi bhavanti // (6) Par.?
tato yad vihavīyam indram eva tena devatānām āhvayante // (7) Par.?
sam evainaṃ sajanīyena vṛñjate // (8) Par.?
agastyaṃ vai rakṣāṃsi anvasacanta // (9) Par.?
so 'kāmayatāpa rakṣāṃsi hanīyeti // (10) Par.?
sa etat kayāśubhīyaṃ śastram apaśyat // (11) Par.?
tena rakṣāṃsy apāghnata // (12) Par.?
rakṣāṃsīva vā etān sacante ye saṃsunvanti // (13) Par.?
tad yat kayāśubhīyaṃ śastraṃ bhavati rakṣasām evāpahatyai // (14) Par.?
yadītare 'gniṣṭomaṃ kurvīrann athātmanokthyaṃ kurvīran // (15) Par.?
yadītara ukthyaṃ kurvīrann athātmanā ṣoḍaśinaṃ gṛhṇīran // (16) Par.?
yadītare ṣoḍaśinaṃ gṛhṇīrann athātmanātirātraṃ kurvīran // (17) Par.?
yadītare 'tirātraṃ kurvīrann athātmanā dvirātraṃ kurvīran // (18) Par.?
yadītare dvirātraṃ kurvīrann athātmanā trirātraṃ kurvīran // (19) Par.?
bhūyāṃsi stotrāṇi bhūyāṃsi śastrāṇi bhūyasīr devatā upayanty abhibhūtyai rūpam // (20) Par.?
abhy evainān bhavanti // (21) Par.?
yathā ha vā idaṃ senayoḥ saṃtiṣṭhamānayor anu yodhā bhūyāṃsa āyanti tādṛk tat // (22) Par.?
tad u vā āhur imam evāgre manasā yajñakratum ākuveta // (23) Par.?
tam evojjigīṣet // (24) Par.?
yo vai saha palāyitayoḥ pūrvaḥ kāṣṭhāṃ gacchati sa vāva tayor jayati // (25) Par.?
pūrva eva saṃsthāṃ prepsed iti // (26) Par.?
Duration=0.15289306640625 secs.