Texts

Help

Select a text:
Bibliography

Select a chapter:
(no revisions)

Associated topic(s): darśapūrṇamāsa iṣṭi, full-moon sacrifice

Show parallels Show headlines
Use dependency labeler

Chapter id: 16412

Click on a sentence to show its analysis
Keep the mouse pointer over a lemma to show its meanings.

yajamānam āmantrayate yajamāna havir nirvapsyāmīti // (1) Par.?

oṃ nirvapeti yajamānaḥ pratyāha // (2) Par.?

yadi yajamānaḥ pravased agne havir nirvapsyāmīti brūyāt // (3) Par.?

apareṇa gārhapatyaṃ prāgīṣaṃ śakaṭam avasthāpya tasmin puroḍāśīyān ādhāya dakṣiṇāṃ yugadhuram abhimṛśati dhūr asi dhūrva dhūrvantam iti // (4) Par.?

evam uttarām // (5) Par.?

tvaṃ devānām asi sasnitamam ity uttarām īṣām ālabhya japati // (6) Par.?

viṣṇus tvākraṃsteti uttare cakre dakṣiṇaṃ pādam atyādadhāti // (7) Par.?

ahrutam asi havirdhānam ity ārohati // (8) Par.?

mitrasya tvā cakṣuṣā prekṣa iti pariṇāhaṃ prekṣate // (9) Par.?

uru vātāyety apacchādyāntaḥ śakaṭa upaviśya daśahotāraṃ vyākhyāya yacchantu tvā pañceti vrīhīn yavān vāgnihotrahavaṇyāṃ muṣṭīnopya tiraḥ pavitraṃ śūrpe nirvapati devasya tvā savituḥ prasave 'śvinor bāhubhyāṃ pūṣṇo hastābhyām agnaye juṣṭaṃ nirvapāmīti // (10) Par.?

trīn muṣṭīn yajuṣā tūṣṇīṃ caturtham // (11) Par.?

nirupteṣv anvāvapati bhakṣāṇāṃ prarekāya // (12) Par.?

evam evottaraṃ puroḍāśaṃ nirvapaty agnīṣomābhyām iti paurṇamāsyām indrāgnibhyām iti amāvāsyāyām asaṃnayataḥ // (13) Par.?

atha yadi pātryāṃ nirvaped dakṣiṇataḥ sphyam avadhāya tasyāṃ sarvān śakaṭamantrān japet // (14) Par.?

Duration=0.032716035842896 secs.