Texts

agner ātithyam asi viṣṇave tvā juṣṭaṃ nirvapāmīti // (1) Par.?

etām eva pratipadaṃ kṛtvā somasyātithyam asi viṣṇave tvā juṣṭaṃ nirvapāmīti // (2) Par.?

etām eva pratipadaṃ kṛtvā atither ātithyam asi viṣṇave tvā juṣṭaṃ nirvapāmīti // (3) Par.?

etām eva pratipadaṃ kṛtvā agnaye tvā rāyaspoṣadāvne viṣṇave tvā juṣṭaṃ nirvapāmīti // (4) Par.?

etām eva pratipadaṃ kṛtvā śyenāya tvā somabhṛte viṣṇave tvā juṣṭaṃ nirvapāmīti // (5) Par.?

pañcakṛtvo yajuṣā // (6) Par.?

haviṣkṛtā vācaṃ visṛjyaitayaivāvṛtottaram anaḍvāhaṃ vimuñcati // (7) Par.?

athaite brāhmaṇāś catvāra āsandīm ādadate // (8) Par.?

atha yajamāno nīḍād rājānam ādatte yā te dhāmāni haviṣā yajanti tā te viśvā paribhūr astu yajñam iti // (9) Par.?

pūrva evāsandyā pratipadyante // (10) Par.?

anvag rājñā yajamāno 'nvak śūdra udapātreṇa // (11) Par.?

pūrvayā dvārā śālāṃ prapādayati gayasphānaḥ prataraṇaḥ suvīro 'vīrahā pracarā soma duryān iti // (12) Par.?

athaitām āsandīm agreṇāhavanīyaṃ paryāhṛtya dakṣiṇato nidadhati // (13) Par.?

tasyāṃ kṛṣṇājinam āstṛṇāty adityāḥ sado 'sīti // (14) Par.?

adityāḥ sada āsīdeti kṛṣṇājine rājānam // (15) Par.?

athainam upatiṣṭhate varuṇo 'si dhṛtavrato vāruṇam asīti // (16) Par.?

samuccitya kṛṣṇājinasyāntān spandyayā vigrathya vaṃśe pragrathnāti śaṃyor devānāṃ sakhyād iti // (17) Par.?

athāparāv āsandīpādāv antareṇa brāhmaṇo 'bhiṣiñcati śūdraḥ prakṣālayati mā devānām apasaś chitsmahīti // (18) Par.?

athainaṃ vāruṇyarcā paricarati tat tvā yāmi brahmaṇā vandamāna iti // (19) Par.?

athainaṃ saṃśāsti mā rājānaṃ cāhavanīyaṃ cāntareṇa kaścana saṃcārīt mainaṃ sāyudho mā sadaṇḍo mā sacchattro mā soṣṇīṣo mā sādhaspādyo 'nuprapādīd iti // (20) Par.?

athāsmai madhuparkaṃ ca gāṃ ca prāhuḥ // (21) Par.?

tām adhvaryur viśāsti // (22) Par.?