Texts

athātraiva tiṣṭhan yācaty abhriṃ yavamatīḥ prokṣaṇīr barhirhastam ājyasthālīṃ sasruvām adhiṣavaṇaṃ carmādhiṣavaṇe phalake ṣaṭ śaṅkūn grāvāṇaṃ hiraṇyam udapātram iti // (1) Par.?

etat samādāyāhaihi yajamāneti // (2) Par.?

pūrvayā dvārā havirdhānaṃ prapādya dakṣiṇasya havirdhānasya nīḍa etac carmotsādayati // (3) Par.?

puro 'kṣam itarāṇi saṃsādayanti // (4) Par.?

athoparavāṇāṃ kālād abhrim ādatte devasya tvā savituḥ prasave 'śvinor bāhubhyāṃ pūṣṇo hastābhyām ādada iti // (5) Par.?

ādāyābhimantrayate 'bhrir asi nārir asīti // (6) Par.?

tayoparavān parilikhati pūrvayor dakṣiṇam evāgre parilikhitaṃ rakṣaḥ parilikhitā arātaya idam ahaṃ rakṣaso grīvā apikṛntāmi yo 'smān dveṣṭi yaṃ ca vayaṃ dviṣma idam asya grīvā apikṛntāmīti sarvān evānupūrvam // (7) Par.?

khanati rakṣohaṇo valagahano vaiṣṇavān khanāmīti sarvān evānupūrvam // (8) Par.?

athaibhyaḥ pāṃsūn udvapatīdam ahaṃ taṃ valagam udvapāmi yaṃ naḥ samāno yam asamāno nicakhānedam enam adharaṃ karomi yo naḥ samāno yo 'samāno 'rātīyati gāyatreṇa chandaseti // (9) Par.?

avabāḍho valaga iti yajamānasyādhaspadaṃ pāṃsūn udvapati pūrvayor dakṣiṇāt // (10) Par.?

traiṣṭubhena chandasety aparayor dakṣiṇāt // (11) Par.?

jāgatena chandasety aparayor uttarāt // (12) Par.?

ānuṣṭubhena chandaseti pūrvayor uttarāt // (13) Par.?

atraitān padapāṃsūn asaṃcare parāvapati // (14) Par.?

atra yaṃ yajamāno dveṣṭi taṃ manasā dhyāyati // (15) Par.?

athāpa upaspṛśyāthainān avamṛśato 'dhvaryuś ca yajamānaś ca pūrvayor dakṣiṇam evādhvaryur avamṛśaty uttaraṃ yajamānaḥ // (16) Par.?

atha yajamānaḥ pṛcchati adhvaryo kim atreti // (17) Par.?

bhadram iti // (18) Par.?

tan nau saheti // (19) Par.?

athādhvaryuḥ pṛcchati yajamāna kim atreti // (20) Par.?

bhadram iti // (21) Par.?

tan nau saheti // (22) Par.?

yam evādhvaryuḥ prajahāti taṃ yajamāno 'vamṛśati // (23) Par.?

dakṣiṇayor aparam evādhvaryur avamṛśati pūrvaṃ yajamānaḥ // (24) Par.?

adhvaryur atra pṛcchati // (25) Par.?

atha yajamānaḥ // (26) Par.?

aparayor uttaram evādhvaryur avamṛśati dakṣiṇaṃ yajamānaḥ // (27) Par.?

yajamāno 'tra pṛcchati // (28) Par.?

athādhvaryuḥ // (29) Par.?

uttarayoḥ pūrvam evādhvaryur avamṛśaty aparaṃ yajamānaḥ // (30) Par.?

adhvaryur atra pṛcchati // (31) Par.?

atha yajamānaḥ // (32) Par.?

yajamānaḥ prathamaḥ pṛcchati yajamāna uttamaḥ // (33) Par.?

athainān abhimṛśati virāḍ asi sapatnahā samrāḍ asi bhrātṛvyahā svarāḍ asy abhimātihā viśvārāḍ asi viśvāsāṃ nāṣṭrāṇāṃ hanteti sarvān evānupūrvam // (34) Par.?

athainān adbhiḥ prokṣati rakṣohaṇo valagahanaḥ prokṣāmi vaiṣṇavān iti sarvān evānupūrvam // (35) Par.?

athaiṣv apo 'vanayati rakṣohaṇo valagahano 'vanayāmi vaiṣṇavān iti sarveṣv evānupūrvam // (36) Par.?

athaiṣu yavān praskandayati yavo 'si yavayāsmad dveṣo yavayārātīr iti sarveṣv evānupūrvam // (37) Par.?

athainān barhiṣāvastṛṇāti rakṣohaṇo valagahano 'vastṛṇāmi vaiṣṇavān iti sarvān evānupūrvam // (38) Par.?

athainān hiraṇyam antardhāya sruvāhutyābhijuhoti rakṣohaṇo valagahano 'bhijuhomi vaiṣṇavān svāheti sarvān evānupūrvam // (39) Par.?

athāsyaite phalake dīrghasome saṃtṛṇṇe bhavato 'saṃtṛṇṇe ekāhe // (40) Par.?

te saṃspṛṣṭe upadadhāti rakṣohaṇau valagahanāv upadadhāmi vaiṣṇavī iti // (41) Par.?

athaine śaṅkubhiḥ pariṇihanti dvābhyāṃ purastād dvābhyāṃ paścād dvābhyām abhito 'navasarpaṇāya // (42) Par.?

athaine pradakṣiṇaṃ purīṣeṇa paryūhati rakṣohaṇau valagahanau paryūhāmi vaiṣṇavī iti // (43) Par.?

athaine barhiṣā paristṛṇāti rakṣohaṇau valagahanau paristṛṇāmi vaiṣṇavī iti // (44) Par.?

athaine abhimṛśati rakṣohaṇau valagahanau vaiṣṇavī iti // (45) Par.?

athaitac carma phalakayoḥ prācīnagrīvam uttaralomopastṛṇāti yajña pratitiṣṭheti vā tūṣṇīṃ vā // (46) Par.?

tiraścarman phalake grāvṇodvādayati // (47) Par.?