Texts

bṛhann asi bṛhadgrāvā bṛhatīm indrāya vācaṃ vadeti // (1) Par.?

nīḍa etac carmotsādayati // (2) Par.?

grāvasu grāvāṇam apyarjati // (3) Par.?

atha dakṣiṇasya havirdhānasyāgreṇopastambhanaṃ barhirmuṣṭim upanibadhnāti stotrebhyaḥ // (4) Par.?

atha yācati sphyam udapātraṃ cātvālātpurīṣaṃ sikatā iti // (5) Par.?

etat samādāyāhaihi yajamāneti // (6) Par.?

āgnīdhraṃ drutvā sphyenoddhatyāvokṣya cātvālātpurīṣaṃ sikatā iti nivapati vibhūr asi pravāhaṇo raudreṇānīkena pāhi māgne pipṛhi mā mā mā hiṃsīr iti // (7) Par.?

taṃ parimaṇḍalaṃ dhiṣṇiyaṃ karoti // (8) Par.?

athainaṃ sikatābhir ābhrāśinaṃ karoti // (9) Par.?

athāntaḥsadasaṃ dhiṣṇiyān nivapati hotuḥ prathamaṃ vahnir asi havyavāhana iti // (10) Par.?

śvātro 'si pracetā iti dakṣiṇato maitrāvaruṇasya // (11) Par.?

tutho 'si viśvavedā ity uttarato brāhmaṇācchaṃsinaḥ // (12) Par.?

uśig asi kavir ity uttarataḥ potuḥ // (13) Par.?

aṅghārir asi bambhārir ity uttarato neṣṭuḥ // (14) Par.?

avasyur asi duvasvān ity uttarato 'cchāvākasya // (15) Par.?

atha dakṣiṇe vedyante mārjālīyaṃ dhiṣṇiyaṃ nivapati śundhyūr asi mārjālīya iti // (16) Par.?

sarveṣv eva raudram anuvartayati // (17) Par.?

āgnīdhre 'ntato nivapaty udaksaṃsthatāyā iti // (18) Par.?

aṣṭau nyavāpsīd iti // (19) Par.?

athāṣṭāv anudiśati // (20) Par.?

samrāḍ asi kṛśānur ity āhavanīyam upatiṣṭhate // (21) Par.?

pariṣadyo 'si pavamāna ity āstāvam // (22) Par.?

pratakvāsi nabhasvān iti cātvālam // (23) Par.?

asaṃmṛṣṭo 'si havyasūda iti paśuśrapaṇam // (24) Par.?

atha sadaso dvāri tiṣṭhann audumbarīm upatiṣṭhata ṛtadhāmāsi suvarjyotir iti // (25) Par.?

brahmajyotir asi suvardhāmeti brahmasadanam // (26) Par.?

athātraiva tiṣṭhan gārhapatyam upatiṣṭhate 'jo 'sy ekapād iti // (27) Par.?

ahir asi budhniya iti yaṃ prahāsyanto bhavanti // (28) Par.?