Texts

Select a text:
Bibliography

Select a chapter:
(no revisions)

Associated topic(s): agniṣṭoma

Show parallels Show headlines
Use dependency labeler

Chapter id: 16665

Click on a sentence to show its analysis
Keep the mouse pointer over a lemma to show its meanings.

prātaryāvabhyo devebhyo hotar anubrūhi brahman vācaṃ yaccha subrahmaṇya subrahmaṇyām āhvayāgnīt savanīyān nirvapa pratiprasthātaḥ khare pātrāṇi yuṅdhīti // (1) Par.?

yathāsaṃpraiṣaṃ te kurvanti // (2) Par.?

pratipadyata eṣa hotā prātaranuvākam // (3) Par.?

yacchati brahmā vācam // (4) Par.?

āhvayati subrahmaṇyaḥ subrahmaṇyām // (5) Par.?

tasyām āhutāyāṃ brahmā vācaṃ visṛjate // (6) Par.?

nirvapaty eṣa āgnīdhra aindrān ekādaśakapālān savanīyān // (7) Par.?

teṣāṃ vrīhiṣv eva haviṣkṛtam udvādayati // (8) Par.?

upodyacchante yavān // (9) Par.?

atha pratiprasthātā khare pātrāṇi yunakti // (10) Par.?

pūrvārdhe kharasya dakṣiṇāśirasam upāṃśusavanaṃ nidadhāti dakṣiṇata upāṃśupātram uttarato 'ntaryāmapātram upasaṃspṛṣṭe // (11) Par.?

asaṃspṛṣṭe abhicarataḥ // (12) Par.?

paścād dvidevatyapātrāṇy anvañcyaindravāyavapātraṃ maitrāvaruṇapātram āśvinapātram // (13) Par.?

paścāc chukrāmanthinoḥ prabāhug dakṣiṇaṃ śukrapātram uttaraṃ manthipātram // (14) Par.?

agreṇa manthipātram ṛtupātre // (15) Par.?

paścād āgrayaṇasthālīm // (16) Par.?

dakṣiṇasyāṃ kharaśroṇyām ādityasthālīṃ sopaśayām // (17) Par.?

uttarasyāṃ kharaśroṇyām ukthyasthālīṃ sopaśayām // (18) Par.?

uttarasya havirdhānasyāgreṇopastambhanam anupopte dhruvasthālīm // (19) Par.?

antareṇa pūtabhṛdādhavanīyau camasān // (20) Par.?

dakṣiṇasya havirdhānasya paścād akṣaṃ droṇakalaśaṃ daśāpavitre iti nidadhāti // (21) Par.?

athaināny abhimṛśaty agnir devatā gāyatrī chanda upāṃśoḥ pātram asīti daśabhir daśa // (22) Par.?

athādhvaryuḥ saṃ vā viśati karmāṇi vānuprekṣamāṇa āste // (23) Par.?

Duration=0.04668402671814 secs.