Texts

Select a text:
Bibliography

Select a chapter:
(no revisions)

Associated topic(s): agniṣṭoma

Show parallels Show headlines
Use dependency labeler

Chapter id: 16694

Click on a sentence to show its analysis
Keep the mouse pointer over a lemma to show its meanings.

sphyaḥ svastir vighanaḥ svastiḥ parśur vediḥ paraśur naḥ svastiḥ / (1.1) Par.?

yajñiyā yajñakṛta stha te māsmin yajña upahvayadhvam upa mā dyāvāpṛthivī hvayetām upāstāvaḥ kalaśaḥ somo agnir upa devā upa yajña upa mā hotrā upahave hvayantām iti // (1.2) Par.?

atha namo 'gnaye makhaghne makhasya mā yaśo 'ryād ity āhavanīyam upatiṣṭhate // (2) Par.?

namo rudrāya makhaghne namaskṛtyā mā pāhīty āgnīdhram // (3) Par.?

nama indrāya makhaghna indriyaṃ me vīryaṃ mā nirvadhīr iti hotrīyam // (4) Par.?

atha prāṅ āvṛtya japati dṛḍhe sthaḥ śithire samīcī māṃhasas pātaṃ sūryo mā devo divyād aṃhasas pātu vāyur antarikṣād agniḥ pṛthivyā yamaḥ pitṛbhyaḥ sarasvatī manuṣyebhya iti // (5) Par.?

atha pradakṣiṇam āvṛtya pūrve dvārau sadasaḥ saṃmṛśati devī dvārau mā mā saṃtāptam iti // (6) Par.?

atha sadaḥ prapadyate namaḥ sadase namaḥ sadasas pataye namaḥ sakhīnāṃ purogāṇāṃ cakṣuṣe namo dive namaḥ pṛthivyā iti // (7) Par.?

athāsanād bahiḥsadasaṃ tṛṇaṃ nirasyaty ahe daidhiṣavyod atas tiṣṭhānyasya sadane sīda yo 'smat pākatara iti // (8) Par.?

upaviśaty un nivata ud udvataś ca geṣam iti // (9) Par.?

atheme samīkṣate pātaṃ mā dyāvāpṛthivī adyāhna iti // (10) Par.?

atha dakṣiṇārdhaṃ prekṣata āganta pitaraḥ pitṛmān ahaṃ yuṣmābhir bhūyāsaṃ suprajaso mayā yūyaṃ bhūyāsteti // (11) Par.?

athottarārdhaṃ prekṣate // (12) Par.?

udaksaṃsthatāyā iti // (13) Par.?

Duration=0.058836936950684 secs.