Texts

Select a text:
Bibliography

Select a chapter:
(no revisions)

Associated topic(s): darśapūrṇamāsa iṣṭi, full-moon sacrifice

Show parallels Show headlines
Use dependency labeler

Chapter id: 16702

Click on a sentence to show its analysis
Keep the mouse pointer over a lemma to show its meanings.

prādurbhūteṣu taṇḍuleṣūccaiḥ samāhantavā iti saṃpreṣyati // (1) Par.?

adrir asi ślokakṛd ity āgnīdhro 'śmānam ādāyeṣam āvadorjam āvadeti vṛṣāraveṇa dṛṣadupale samāhanti śamyayā vā dvir dṛṣadi sakṛd upalāyām // (2) Par.?

triḥ saṃcārayan nava kṛtvaḥ sampādayati // (3) Par.?

uttuṣān kṛtvā varṣavṛddham asīti purastād uttarato vā śūrpam upayacchati // (4) Par.?

varṣavṛddhāḥ stheti puroḍāśyān abhimṛśya prati tvā varṣavṛddhaṃ vetv ity udvapati // (5) Par.?

parāpūtaṃ rakṣa ity utkare niṣpunāti // (6) Par.?

praviddhaṃ rakṣaḥ parādhmātā amitrā iti śūrpāt tuṣān kapāle dhvaṃsayati rakṣasāṃ bhāgo 'sīti tena tuṣāpūritenottaram aparam avāntaradeśam adhastāt kṛṣṇājinasya savyena pāṇinā tuṣān upavapati nānvīkṣate // (7) Par.?

avabāḍhaṃ rakṣa ity avabādhate // (8) Par.?

raudrākṣasanairṛtapaitṛkachedanabhedanakhanananirasanāvaghrāṇātmābhimarśanāni ca kṛtvā sarvatrāpa upaspṛśet // (9) Par.?

abhyukṣya kapālaṃ nidadhāti // (10) Par.?

vāyur va iti vivinakti // (11) Par.?

devo va iti pātryāṃ taṇḍulān praskandayati // (12) Par.?

adabdhena vaś cakṣuṣāvapaśyāmīty avekṣya viviktān avahantre prayacchaṃs triṣphalīkartavā iti saṃpreṣyati // (13) Par.?

devebhyaḥ śundhadhvaṃ devebhyaḥ śumbhadhvaṃ devebhyaḥ śudhyadhvam iti tribhis triṣphalīkaroti // (14) Par.?

Duration=0.062138795852661 secs.