Texts

Help

Select a text:
Bibliography
Select a chapter:
 (no revisions)
Associated topic(s): darśapūrṇamāsa iṣṭi, full-moon sacrifice

Show parallels  Show headlines
Use dependency labeler
Chapter id: 16717
  • Click on a sentence to show its analysis
  • Keep the mouse pointer over a lemma to show its meanings.
divaḥ śilpam iti prokṣitāni sruksaṃmārjanāny agnau praharati // (1) Par.?
apareṇa gārhapatyaṃ dakṣiṇataḥ patnīm udaṅmukhīm upaveśyāśāsānā saumanasam iti mauñjena yoktreṇānyatarataḥ pāśenordhvajñum āsīnāṃ prāṅmukhīṃ tiṣṭhantīṃ vā saṃnahyet // (2) Par.?
pūṣā te granthiṃ grathnātv ity uttarato nābher niṣṭarkyaṃ granthiṃ kṛtvā dakṣiṇato nābheḥ parikarṣati // (3) Par.?
patny ācamyāgne gṛhapata iti tiṣṭhantī gārhapatyam upasthāya devānāṃ patnīr iti devapatnīś cendrāṇīvety udaṅmukhy anvāste // (4) Par.?
suprajastvā vayam iti japati mama putrā iti ca // (5) Par.?
pūṣā te bilaṃ viṣyatv ity āgnīdhraḥ sarpirdhānasya bilam apāvṛtyedaṃ viṣṇur vicakrama ity anvāhāryapacane 'dhiśrityāditir asy acchidrapatrety ājyasthālīm ādāya mahīnāṃ paya iti tasyāṃ pavitravatyāṃ prabhūtam ājyaṃ nirvapati // (6) Par.?
iṣe tveti dakṣiṇārdhe gārhapatyasyādhiśrityorje tvety apādāya vedenopayamya mahīnāṃ payo 'sīti patnīṃ pradarśayati // (7) Par.?
tat sā nimīlya vīkṣyānucchvasanty avekṣate // (8) Par.?
tejo 'sīty uttarārdhe 'dhiśritya tejase tvety apādāya tejo 'nuprehīty āhavanīyam abhyuddrutyāgnis te tejo mā vinaid ity āhavanīye 'dhiśrityāgner juhvāsīty uttareṇa prokṣaṇīḥ sphyasya vartman sādayati // (9) Par.?
īḍenyakratūr iti yajamāna āsādyamānā anumantrayate // (10) Par.?
Duration=0.041667938232422 secs.