Texts

Help

Select a text:
Bibliography
Select a chapter:
 (no revisions)
Associated topic(s): agnyādhāna, agnyādheya

Show parallels  Show headlines
Use dependency labeler
Chapter id: 16735
  • Click on a sentence to show its analysis
  • Keep the mouse pointer over a lemma to show its meanings.
gṛhe saumye paścimapūrvāyatāṃ tathānuvaṃśāṃ pūrvadakṣiṇayor dvārayutām agniśālāṃ kalpayaty asthiromakeśāṅgāratuṣakāṣṭhāśmaloṣṭapipīlikādīn varjayitvā mṛdā śuddhayā // (1) Par.?
paścime bhūr iti gārhapatyāyatanaṃ rajjvāṣṭādaśāṅgulyā vṛttaṃ bhrāmayitvāṣṭāṅgulonnataṃ sthaṇḍilaṃ kṛtvā paritaś caturaṅgulivistāraṃ hitvā madhye ṣaḍaṅgulaṃ nimnaṃ khanati // (2) Par.?
śiṣṭaṃ tad ūrdhvamekhalā syāt // (3) Par.?
tatparigatāṃ caturaṅgulivistāronnatām adhomekhalāṃ karoti // (4) Par.?
tasmāt prācyām aṣṭapadaprakrame brāhmaṇasyaikādaśaprakrame kṣatriyasya dvādaśaprakrame vaiśyasyāpi suvar ity āhavanīyāgnyāyatanaṃ caturaśraṃ caturdikṣu dvātriṃśadaṅgulyāyatam aṣṭāṅgulonnataṃ sthaṇḍilaṃ prakalpya pūrvavat parito hitvā mekhalām ūrdhvāṃ madhye nimnam adhomekhalāṃ karoti // (5) Par.?
dvayor madhye vedir asīty uktvā gārhapatyāhavanīyasaṃbandhāṃ dakṣiṇottarayoś caturaṅgulivistāronnatāṃ tadantare ṣoḍaśāṅgulivistārāṃ vediṃ kurute // (6) Par.?
Duration=0.048454999923706 secs.