Texts

prasarpanti tṛtīyasavanāya devī dvārāv ity ata evordhvena // (1) Par.?

samprasṛptān viditvādhvaryuḥ prāṅ āyann āhāgnīt pariśrayaṇam āhara pratiprasthātar āśiram ānaya śṛtātaṅkyam ādityagrahāya dadhy āharaihi yajamāneti // (2) Par.?

pūrvayā dvārā havirdhānaṃ prapādya ya eṣa upāṃśupātre 'ṃśuḥ prāsto bhavati taṃ mādhyaṃdinīya ṛjīṣe 'pisṛjya yam eva kaṃ ca grāvāṇam ādāyonnetāram āhāharopasṛjeti // (3) Par.?

upasṛjaty unnetādhavanīyād udacanena // (4) Par.?

aparimitam abhiṣutyāthainaṃ susaṃbhṛtaṃ saṃbharaṇyāṃ saṃbhṛtyonnetra utprayacchati // (5) Par.?

tam unnetādhavanīye 'vanayati // (6) Par.?

evam eva dvitīyaḥ paryāyaḥ saṃtiṣṭhate // (7) Par.?

evaṃ tṛtīyaḥ // (8) Par.?

ṛjīṣam antato daśāpavitreṇa pariveṣṭyonnetra utprayacchati // (9) Par.?

tad unnetādhavanīye vikṣālya prapīḍya dakṣiṇasya havirdhānasyāntareṇeṣe upātihṛtya nīḍa utsādayati // (10) Par.?

pariśrayanti pūrvāṃ dvāram aparāṃ ca // (11) Par.?

athādatta ādityasthālyā aupaśayaṃ pātram // (12) Par.?

tasminn etasya rājñas tṛtīyavelāṃ gṛhṇāti ya ādityasthālyāṃ bhavati kadā cana starīr asīty anudrutyopayāmagṛhīto 'sy ādityebhyas tvā juṣṭaṃ gṛhṇāmīti // (13) Par.?

barhiṣī antardhāya śṛtātaṅkyena śrīṇāti kadā cana prayucchasīty anudrutyopayāmagṛhīto 'sy ādityebhyas tvā juṣṭaṃ gṛhṇāmīti // (14) Par.?

apoddhṛtya barhiṣī ardhavelāṃ rājño gṛhṇāti yajño devānāṃ pratyeti sumnam ity anudrutyopayāmagṛhīto 'sy ādityebhyas tvā juṣṭaṃ gṛhṇāmīti // (15) Par.?

athainaṃ sthavimata upāṃśusavanena śrīṇāti vivasva ādityaiṣa te somapīthas tena mandasva tena tṛpya tṛpyāsma te vayaṃ tarpayitāro yā divyā vṛṣṭis tayā tvā śrīṇāmīti // (16) Par.?

athainam udgṛhṇāti // (17) Par.?

atra vijñānam upaiti yadi tājak praskanded varṣukaḥ parjanyo bhavati // (18) Par.?

yadi ciram avarṣukaḥ // (19) Par.?

na sādayatīti brāhmaṇam // (20) Par.?

athainam upāṃśusavanaṃ daśāpavitreṇa pariveṣṭya tenādhastāt pātram uddhanty ūrmikāram aviṣiñcan // (21) Par.?