Texts

Help

Select a text:
Bibliography
Select a chapter:
 (no revisions)
Associated topic(s): darśapūrṇamāsa iṣṭi, full-moon sacrifice

Show parallels  Show headlines
Use dependency labeler
Chapter id: 16806
  • Click on a sentence to show its analysis
  • Keep the mouse pointer over a lemma to show its meanings.
yathetaṃ pratyetya pratyag agreṇāsīno dakṣiṇe hotuḥ pāṇāv iḍāyā avāntareḍām avadyati // (1) Par.?
iḍālepād upastīrya prathamam adhvaryur avadyaty aṅguṣṭhaprabhṛtāṅgulīr antareṇa savyaṃ hotā dvitīyaṃ gṛhṇāti lepena cādhvaryur abhighārayati // (2) Par.?
dviḥ pañcāvattinaḥ // (3) Par.?
aṅguṣṭhenopasaṃkucyāmuṣṭiṃ kṛtvā mukhasaṃmitam iḍāpātraṃ dhārayamāṇam iḍopahutā saha divetīḍām upahūyamānaṃ hotāram adhvaryur agnīd yajamānaś cānvārabhante // (4) Par.?
iḍa ehy adita ehīty upāṃśūpahave yajamānaḥ sapta devagavīr japati // (5) Par.?
cid asi manāsīty uccair upahave sapta manuṣyagavīḥ // (6) Par.?
viśvā tvaṃ bhūtvetīḍām upahūyamānām anumantrayate // (7) Par.?
vāyav iḍā te māteti hotāram īkṣamāṇo vāyuṃ manasā dhyāyet // (8) Par.?
daivyā adhvaryur upahūto 'yaṃ yajamāna ity ucyamāne 'dhvaryuyajamānāv upahūtaḥ paśumān asānīti krameṇa japataḥ sā me satyāśīr ity āśiḥṣu yajamāna iḍāyā ahaṃ devayajyayety upahūtām iḍāṃ bhakṣāyāhriyamāṇām abhimantrayate // (9) Par.?
upahūtāyām iḍāyām agreṇāhavanīyam adhvaryur brahmaṇe prāśitraṃ pariharati pariharati // (10) Par.?
Duration=0.081425189971924 secs.