Texts

dhiṣṇyān upasthāya sadaḥ prasarpanti // (1) Par.?

agreṇa havirdhāne tiṣṭhantas taṃ tam īkṣamāṇāḥ // (2) Par.?

samrāḍ asi kṛśāno raudreṇānīkena pāhi mā agne pipṛhi mā namas te 'stu mā mā hiṃsīr ity āhavanīyam // (3) Par.?

raudrādir udarkaḥ // (4) Par.?

anudarko vā // (5) Par.?

apijo 'si duvasvān iti mathitvānuprahṛtam // (6) Par.?

pariṣadyo 'si pavamāna ity āstavam // (7) Par.?

pratakvāsi nabhasvān iti cātvālam // (8) Par.?

kavyo 'si havyasūdana iti śāmitram // (9) Par.?

samuhyo 'si viśvabharā ity utkaram // (10) Par.?

dakṣiṇāvṛto vibhūr asi pravāhaṇa ity āgnīdhram // (11) Par.?

prapatsyamānāḥ sadaś copary abhimṛśanti divas pṛṣṭham asi mā mā saṃtāpsīr iti // (12) Par.?

ṛtasya dvārau mā mā saṃtāptam iti dvāryau saṃmṛśya / (13.1) Par.?

uttareṇāgnīdhrīyaṃ dhiṣṇyaṃ gacchanti ye pratyañco dhiṣṇyān atikrāmanti // (13.2) Par.?

malimluco 'si sagara ity āsādam acchāvākasya // (14) Par.?

vahnir asi havyavāhana iti hotur dhiṣṇyam // (15) Par.?

śvātro 'si pracetā iti maitrāvaruṇasya // (16) Par.?

tutho 'si viśvavedā iti brāhmaṇācchaṃsinaḥ // (17) Par.?

uśig asi kavir asīti potuḥ // (18) Par.?

avasyur asi duvasvān iti neṣṭuḥ // (19) Par.?

aṃhārir asi bambhārir ity acchāvākasya // (20) Par.?

śundhyur asi mārjālīya ity avekṣya mārjālīyam // (21) Par.?

śundhyur asy upasadya iti brahmasadanam // (22) Par.?

ṛtadhāmāsi svarjyotir ity audumbarīm // (23) Par.?

samudro 'si viśvavyacā iti sado 'nuvīkṣya // (24) Par.?

ajo 'sy ekapād iti śālāmukhīyam // (25) Par.?

ahir asi budhnya iti prājahitam // (26) Par.?

annadāsy annapatir iti vrataśrapaṇam // (27) Par.?