Texts

Select a text:
Bibliography

Select a chapter:
(no revisions)

Associated topic(s): cāturmāsya

Show parallels Show headlines
Use dependency labeler

Chapter id: 16884

Click on a sentence to show its analysis
Keep the mouse pointer over a lemma to show its meanings.

vihāya vidhṛtī tūṣṇīṃ prastaraṃ nyasyati // (1) Par.?

haviṣām udvāsane yathābhāgamantreṇa dhānā vibhajya piṣṭvārdhān saktūn kṛtvā vāraṇapātre 'bhivānyavatsāyā dugdham ānīya tasmin saktūn opyekṣuśalākāmanthena dakṣiṇenāhavanīyaṃ triḥ prasavyaṃ dakṣiṇāmukho 'nārabhyopamanthati // (2) Par.?

anvāhāryapacanād ekolmukam ādāyāpareṇa gārhapatyaṃ hṛtvāgreṇāhavanīyaṃ paryāhṛtyāntarvedi dakṣiṇenāhavanīyaṃ nidadhāti // (3) Par.?

havīṃṣy alaṃkṛtyājyāni puroḍāśaṃ dhānāḥ karambham iti havīṃṣy ekaikam anūcīnāny udāharanti dakṣiṇataḥ puroḍāśaṃ madhyato dhānā uttarataḥ karambham // (4) Par.?

dakṣiṇena pariśrayaṇam āñjanam abhyañjanaṃ kaśipūpabarhaṇaṃ daśā sphyam udakumbhaṃ caikaikaṃ sthāpayati // (5) Par.?

brahmā ca yajamānaś ca dakṣiṇato hotādhvaryur āgnīdhraś cottarataḥ // (6) Par.?

adhvaryur vedaṃ nidhāyāgnaye devebhyaḥ pitṛbhyaḥ samidhyamānāyānubrūhīti saṃpreṣyati // (7) Par.?

uśantas tvā havāmaha ity ekāṃ sāmidhenīṃ hotā trir anvāha // (8) Par.?

imam adhvaryus traidhaṃ vibhajyānūyājasamidham avaśiṣya praṇave praṇave traidham ādadhāti // (9) Par.?

Duration=0.03039288520813 secs.