Texts

Help

Select a text:
Bibliography

Select a chapter:
(no revisions)

Associated topic(s): paribhāṣā, general rules, yajñāyudhāni, utensils for the sacrifice

Show parallels Show headlines
Use dependency labeler

Chapter id: 16923

Click on a sentence to show its analysis
Keep the mouse pointer over a lemma to show its meanings.

musalaṃ caturhastaṃ yajamānāyataṃ vā yuktanāhaṃ mūle 'yasā nibaddham // (1) Par.?

etau yāvatā havirdravyasyāvaghātayogyau tāvatpramāṇau vā // (2) Par.?

veṇuvetrakarīṣakeṣv ekenāratnimātrāyataṃ vṛttamūlaṃ viṃśatyaṅgulivistāram aṣṭādaśāṅgulivistāraṃ vā kramān nyūnaṃ dvyaṅgulāgraṃ śūrpam // (3) Par.?

yājñikaṃ yat kiṃcit kāṣṭhaṃ dvitāladīrghaṃ dhṛṣṭiḥ // (4) Par.?

adharā dṛṣad ūrdhvopalā ca dve peṣaṇyau saṃpeṣaṇaśakte // (5) Par.?

tathā grāvāṇau dvau yathoktayogyau // (6) Par.?

mṛnmayī prasthapūrṇājyasthālī // (7) Par.?

kāṃsyādilohamayīty eke // (8) Par.?

viṃśatyaṅgulivistārāyatā piṣṭasaṃyavanī pātrī suvṛttā catuḥprasthodakapūrṇā madantipayodohas tāvatpayaḥpūrṇā sāṃnāyyadadhikumbhyau ca saṃyukteṣu puroḍāśanidhānāya yāvattālaṃ taduktasaṃkhyāpramāṇāni kapālāni dvyaṅgulāyatavistārāṇi vā sarveṣāṃ mānam ardhāṅgulam // (9) Par.?

prasthataṇḍulapākā carusthālī haviḥśeṣadānokte dviprasthataṇḍulapākā vā prasthārdhataṇḍulapākā prasthacaturbhāgataṇḍulapākā vā // (10) Par.?

saṃsrāvasrotoyuktau // (11) Par.?

vṛttordhvakapālāgnihotrasthālī // (12) Par.?

droṇārdhataṇḍulapākānvāhāryasthālī // (13) Par.?

prasthapūrṇas tadardhapūrṇo vā śarāvaḥ syāt // (14) Par.?

Duration=0.061559915542603 secs.