Texts

Help

Select a text:
Bibliography
Select a chapter:
 (no revisions)
Associated topic(s): agniṣṭoma, dīkṣā

Show parallels  Show headlines
Use dependency labeler
Chapter id: 16947
  • Click on a sentence to show its analysis
  • Keep the mouse pointer over a lemma to show its meanings.
devaśrūr etāni pravapa iti propya keśān sānaḍuhaśakṛdy udapātre prakṣipati // (1) Par.?
evam uttaraṃ godānam uptvā yajamāna oṣadhe trāyasvainam iti darbhe 'ntardhīyamāne japati svadhite mā mā hiṃsīr iti kṣure nidhīyamāne svasty uttarāṇy aśīyeti keśeṣūpyamāneṣu // (2) Par.?
nāpitāya kṣuraṃ prayacchati // (3) Par.?
śmaśrūṇy agre vapate 'thopapakṣāv atha keśān // (4) Par.?
abhyantaraṃ nakhāni nikṛntate prathamaṃ dakṣiṇahastasyāṅguṣṭhaprabhṛti tathā savyasya tathā padyāni // (5) Par.?
idam aham amuṣyāmuṣyāyaṇasyeti sakeśam udapātram udumbaramūle gūhayed darbhamūle vā // (6) Par.?
annādyāya vyūhadhvam ity audumbareṇa kāṣṭhena dato dhāvate // (7) Par.?
tīrthe lomaśe 'vakāvile sthāvarāsu hiraṇyam avadhāya snāti // (8) Par.?
yadi dūre tīrtham udapātre hiraṇyaṃ nidhāya snāti // (9) Par.?
mahāvyāhṛtyā jalam abhimantryedam āpaḥ śivā iti vigāhate // (10) Par.?
hiraṇyavarṇāḥ śucayaḥ pāvakā iti catasra āpo asmān mātaraḥ śundhantv iti ca japitvā snāti // (11) Par.?
ud ābhyaḥ śucir ā pūta emīty uttīrya payasvatīr oṣadhaya ity apo 'śnāti // (12) Par.?
somasya tanūr asīti kṣaumam ahataṃ vāsaḥ pradakṣiṇaṃ paridhāya sūryasya vāso 'sīti nīvīm anukalpayate // (13) Par.?
Duration=0.072386980056763 secs.