Texts

kalaśe dīrṇe vidhuṃ dadrāṇam iti vaṣaṭkāranidhanena brāhmaṇācchaṃsine stuvate // (1) Par.?

pūrvas tṛco 'nurūpaḥ // (2) Par.?

grāvṇi dīrṇe vṛtrasya tvā śvasathād īṣamāṇā iti dyutānena mārutena brāhmaṇācchaṃsine stuvate // (3) Par.?

uttaro 'nurūpaḥ // (4) Par.?

aindrāvaiṣṇavībhiḥ stomam atiśaṃset // (5) Par.?

aindrāvaiṣṇavī yājyā // (6) Par.?

abhyunnītaṃ nārāśaṃsam / (7.1) Par.?

hutāhutasya tṛmpataṃ hutasya cāhutasya ca / (7.2) Par.?

ahutasya hutasya cendrāgnī asya somasya / (7.3) Par.?

svāhety antaḥparidhi bhasmani juhoti // (7.4) Par.?

upavāte nārāśaṃse yaṃ jaghanyaṃ grahaṃ gṛhṇīyāt tasya hutasyālpakam avanayet prajāpataye svāheti // (8) Par.?

duṣṭaṃ somaṃ prājāpatyābhiś catasṛbhir adhvaryur uttarārdhapūrvārdha uparave 'vanayet // (9) Par.?

kṛtsnaṃ vedam amṛtam annādyabhāgam iti dhyāyann avavṛṣṭasya bhakṣayed indur indram avāgāt tasya tu indav indrapītasyopahūtasyopahūto bhakṣayāmīti // (10) Par.?

hiraṇyagarbha ity abhyupākṛte camase juhuyāt // (11) Par.?

avacchādya ca nirharet // (12) Par.?

ya ṛte cid iti tṛcena mahāvīraṃ bhinnam anumantrya / (13.1) Par.?

trayastriṃśat tantavo ye vitatnire ya imaṃ yajñaṃ svadhayā bhajante / (13.2) Par.?

teṣāṃ chinnaṃ sam imaṃ dadhāmi svāhā gharmo apyetu devān / (13.3) Par.?

yajñasya doho vitataḥ purutrā so aṣṭadhā divam anvātatāna / (13.4) Par.?

sa yajña dhukṣva mahi me prajāyai rāyaspoṣaṃ viśvam āyur aśīya / (13.5) Par.?

svāheti cāhutī juhoti // (13.6) Par.?