Texts

Select a text:
Bibliography

Select a chapter:
(no revisions)

Associated topic(s): agniṣṭoma

Show parallels Show headlines
Use dependency labeler

Chapter id: 16993

Click on a sentence to show its analysis
Keep the mouse pointer over a lemma to show its meanings.

pravargyeṇa cariṣyann amāvāsyāyāṃ paurṇamāsyāṃ śuklapakṣe puṇye 'hani vā saṃbhārāhartur namo vāca ity anuvākena śāntiṃ kṛtvā vaikaṅkatīṃ khādirīṃ vaiṇavīṃ vā samidham ādhāya yuñjate mana iti caturgṛhītaṃ juhoti // (1) Par.?

na dīkṣitasya juhuyāt // (2) Par.?

kāṇṭakīm evaitayā samidham ādadhyād etāṃ vā japet // (3) Par.?

devasya tveti khādirīm audumbarīṃ vaikaṅkatīṃ vaiṇavīṃ vā vyāyāmamātrīm aratnimātrīṃ vā kalmāṣīm ubhayataḥkṣṇūm abhrim ādāyāvir asi nārir asīty abhimantryotthāyottiṣṭha brahmaṇaspata iti brahmāṇam āmantrayate // (4) Par.?

brahmopottiṣṭhati // (5) Par.?

ubhāv upaprayantv ity uttaram ardharcaṃ japataḥ // (6) Par.?

ādadate kṛṣṇājinam // (7) Par.?

yataḥ kutaścin mṛdaṃ khanitvāharanti tatra praitu brahmaṇaspatir ity aśvaprathamāḥ prāñco yanty api vā saṃbhārāḥ pariśrite bhavanti // (8) Par.?

purastād āhavanīyān mṛtkhanaḥ pūrvaḥ pūrva uttarottaro bhavati // (9) Par.?

uttareṇa mṛtkhanaṃ prācīnāgreṣu darbheṣu kṛṣṇājinaṃ prācīnagrīvam uttaralomopastṛṇāti // (10) Par.?

devī dyāvāpṛthivī iti dyāvāpṛthivī upasthāya ṛdhyāsam adyety abhriyā mṛtkhane prahṛtya makhasya śira ity apādāya makhāya tveti hṛtvā makhasya tvā śīrṣṇa iti kṛṣṇājine nivapati // (11) Par.?

evaṃ dvitīyaṃ tṛtīyaṃ ca hṛtvā nivapati // (12) Par.?

tūṣṇīṃ caturtham aparimitaṃ vā yāvatyo mṛdaḥ pravargyapātrebhya āptāḥ syuḥ // (13) Par.?

prāyaścittāya pariśinaṣṭi śeṣam // (14) Par.?

evam itareṣāṃ saṃbhārāṇām // (15) Par.?

Duration=0.03189492225647 secs.