Texts

Help

Select a text:
Bibliography
Select a chapter:
 (no revisions)
Associated topic(s): agniṣṭoma, pravargya

Show parallels  Show headlines
Use dependency labeler
Chapter id: 17001
  • Click on a sentence to show its analysis
  • Keep the mouse pointer over a lemma to show its meanings.
gārhapatyasya purastād avaṭaṃ khanati // (1) Par.?
tasmin lohitapacanāt saṃbhārān avakīrya deva puraścara saghyāsaṃ tveti mahāvīrān krameṇa prāco vodīco vopāvaharati // (2) Par.?
purastād dogdhre 'parastād rauhiṇakapāle cājyadadhisthālyā upariṣṭān nidhāya taiḥ pacanaiḥ saṃpracchādya mṛdāvalimpati // (3) Par.?
pratidiśam upoṣaṇāya caturaṅgulaṃ viśinaṣṭi // (4) Par.?
gārhapatye muñjapralavān ādīpyārciṣe tvetyādyaiḥ pratimantraṃ pratidiśam upoṣati // (5) Par.?
api vā sarvaiḥ sarvataḥ // (6) Par.?
tāny ahani rātrau vā pacyante // (7) Par.?
yadi sāyam upoṣati prātar upaiti yadi prātaḥ sāyam // (8) Par.?
abhīmaṃ mahineti maitrībhyāṃ pacyamānāny upacarati // (9) Par.?
pakveṣu siddhyai tveti dhṛṣṭī ādāya tābhyām aṅgārān apohati // (10) Par.?
devas tvā savitodvapatv iti prathamaṃ mahāvīraṃ śaphābhyām udvāsayati // (11) Par.?
apadyamānaḥ pṛthivyām āśā diśa āpṛṇety uttarataḥ sikatāsu pratiṣṭhāpayati // (12) Par.?
evam itarau // (13) Par.?
tūṣṇīm itarāṇi // (14) Par.?
sūryasya tvā cakṣuṣānvīkṣa ity anuvīkṣate // (15) Par.?
Duration=0.052680015563965 secs.