Texts

Select a text:
Bibliography

Select a chapter:
(no revisions)

Associated topic(s): darśapūrṇamāsa iṣṭi, full-moon sacrifice

Show parallels Show headlines
Use dependency labeler

Chapter id: 17010

Click on a sentence to show its analysis
Keep the mouse pointer over a lemma to show its meanings.

saśūkāyām agnihotrahavaṇyām apa ānīya pūrvavad utpūyābhimantrya brahman prokṣiṣyāmīti brahmāṇam āmantrya devasya tvety anudrutyāgnaye vo juṣṭaṃ prokṣāmīti yathādevataṃ havis triḥ prokṣan nāgnim abhiprokṣet // (1) Par.?

yaṃ dviṣyāt tasyābhiprokṣet // (2) Par.?

uttānāni pātrāṇi paryāvartya śundhadhvaṃ daivyāya karmaṇa iti triḥ prokṣya prokṣaṇīśeṣam agreṇa gārhapatyaṃ nidhāya devasya tvā savituḥ prasava iti kṛṣṇājinam ādāyāvadhūtaṃ rakṣo 'vadhūtā arātaya ity utkare trir avadhūnoty ūrdhvagrīvaṃ bahiṣṭādviśasanam // (3) Par.?

adityās tvag asīty uttareṇa gārhapatyam utkaradeśe vā pratīcīnagrīvam uttaralomopastṛṇāti // (4) Par.?

purastāt pratīcīm bhasadam upasamasyati // (5) Par.?

anutsṛjan kṛṣṇājinam adhiṣavaṇam asīti tasminn ulūkhalam adhivartayati // (6) Par.?

anutsṛjann ulūkhalam agnes tanūr asīti tasmin havir āvapati trir yajuṣā tūṣṇīm caturtham // (7) Par.?

adrir asi vānaspatya iti musalam ādāya haviṣkṛd ehīti trir avahanti / (8.1) Par.?

anavaghnan vā haviṣkṛtaṃ hvayati // (8.2) Par.?

haviṣkṛd ehīti brāhmaṇasya haviṣkṛd āgahīti rājanyasya haviṣkṛd ādraveti vaiśyasya haviṣkṛd ādhāveti śūdrasya // (9) Par.?

prathamaṃ vā sarveṣām // (10) Par.?

ava rakṣo divaḥ sapatnaṃ vadhyāsam ity avahanti // (11) Par.?

Duration=0.042194843292236 secs.