Texts

Help

Select a text:
Bibliography
Select a chapter:
 (no revisions)
Associated topic(s): agniṣṭoma, pravargya

Show parallels  Show headlines
Use dependency labeler
Chapter id: 17013
  • Click on a sentence to show its analysis
  • Keep the mouse pointer over a lemma to show its meanings.
animnayor āgnīdhra upastīrṇābhighāritau rauhiṇau puroḍāśau pūrvāhṇe prācyau srucau dakṣiṇottaraparidhisaṃdhī anvāsādayati pratīcyāv aparāhṇa ity eke // (1) Par.?
devasya tveti raśanām ādāyādityai rāsnāsīti raśanām abhimantrya pūrvadvāropaniṣkramyādhvaryur iḍa ehy adita ehi sarasvaty ehīti gharmadugham āhvayati trir upāṃśv asāv ehy asāv ehīti trir uccair yathāsāma // (2) Par.?
pratyetyābhidhānīṃ nidāne dogdhre cādāyādhvaryur āgnīdhraḥ pratiprasthātā ca dakṣiṇayā dvāropanirhṛtyādityā uṣṇīṣam asīti gharmadugham adhvaryur abhidhānyā kaṇṭhe badhnāti vāyur asy aiḍa iti vatsam // (3) Par.?
pūṣā tvopāvasṛjatv iti vatsam upāvasṛjati // (4) Par.?
yas te stanaḥ śaśaya ity adhvaryur gharmadugham abhimantryosra gharmaṃ śiṃṣeti vatsam ādāya niyujya bṛhaspatis tvopasīdatv ity upasīdati // (5) Par.?
dānavaḥ stha perava iti stanān saṃmṛśati // (6) Par.?
ā daśabhir vivasvata ity abhijñāya stanān aśvibhyāṃ pinvasvety etair varṣīyasi dogdhre pinvayati // (7) Par.?
etasmin kāle pratiprasthātā tūṣṇīm ajāṃ hrasīyasy agnīdhe payasī pradāya yathetaṃ pratyetya gāyatro 'si traiṣṭubho 'sīti śaphāv adhvaryur ādatte jāgatam asīti pratiprasthātopayamanam // (8) Par.?
upadrava payasā godhug ity abhijñāyāgnīdhraḥ pratipadyate // (9) Par.?
sahorjo bhāgenopa mehīty āhriyamāṇaṃ payo 'dhvaryuḥ pratīkṣate // (10) Par.?
Duration=0.028166055679321 secs.