Texts

Help

Select a text:
Bibliography
Select a chapter:
 1 revision
Associated topic(s): mixture of castes, varṇasaṃkara

Show parallels  Show headlines
Use dependency labeler
Chapter id: 17116
  • Click on a sentence to show its analysis
  • Keep the mouse pointer over a lemma to show its meanings.
cāturvarṇyasaṃkareṇotpannānām anulomapratilomāntarālavrātyānām utpattiṃ nāma vṛttiṃ ca // (1) Par.?
ūrdhvajātād adhojātāyāṃ jāto 'nulomaḥ // (2) Par.?
adharotpannād ūrdhvajātāyāṃ jātaḥ pratilomaḥ // (3) Par.?
tato 'nulomād anulomyāṃ jāto 'ntarālaḥ // (4) Par.?
pratilomāt pratilomyāṃ jāto vrātyo bhavati // (5) Par.?
brahmaṇo mukhād udbhūtā brāhmaṇā brāhmaṇyaś ca brahmarṣayaḥ patnyo babhūvuḥ // (6) Par.?
teṣāṃ gātrotpannād brāhmaṇyām asagotrāyāṃ vidhinā samantrakaṃ gṛhītāyāṃ jāto brāhmaṇaḥ śuddho bhavet // (7) Par.?
vidhihīnam anyapūrvāyāṃ mṛtabhartṛkāyāṃ golako jīvabhartṛkāyāṃ kuṇḍaś ca viprau dvau ninditau syātām // (8) Par.?
tasmād adho bāhubhyām utpannāt kṣatriyāt kṣatriyāyāṃ vidhivaj jātaḥ kṣatriyaḥ śuddhaḥ // (9) Par.?
tayor avidhikaṃ gūḍhotpanno 'śuddho bhojākhyo naivābhiṣecyaḥ paṭṭabandho rājñaḥ saināpatyaṃ karoti // (10) Par.?
śuddhābhāve 'paṭṭabandho nṝn pāyāt // (11) Par.?
tadvṛttaṃ rājavat syāt // (12) Par.?
adhastād ūrubhyām utpannād vaiśyād vaiśyāyāṃ tathā vaiśyaḥ śuddhaḥ // (13) Par.?
vidhivarjaṃ maṇikāro 'śuddho maṇimuktādivedhaḥ śaṅkhavalayakārī syāt // (14) Par.?
Duration=0.057866096496582 secs.