Texts

āgnīdhra etad ājyaṃ juhoty agne naya supathā rāye asmān ity etayā // (1) Par.?

vaneṣu vy antarikṣaṃ tatāneti vāruṇyā dvitīyayā juhuyād yady ano ratho 'śvo vāso 'pi vā dīyate // (2) Par.?

prājāpatyayā tṛtīyayā juhuyād yadi hastinaṃ puruṣaṃ vā dāsyan syāt // (3) Par.?

ātreyāya prathamāya hiraṇyaṃ dadāti madhyamāyety ekeṣām uttamāyety ekeṣāṃ brāhmaṇam adya rādhyāsam ṛṣim ārṣeyam iti // (4) Par.?

yady ātreyaṃ na vinded ya ārṣeyaḥ saṃhitas tasmai dadyāt // (5) Par.?

āgnīdhrāyāgra upabarhaṇaṃ sārvasūtraṃ dadāty ajaṃ ca // (6) Par.?

tato brahmaṇe yathānyāṃ dakṣiṇāṃ nātidhyāyed evaṃ dadyāt // (7) Par.?

tata udgātṛbhyo hotṛbhyaḥ // (8) Par.?

adhvaryubhyas tu havirdhāna āsīnebhyaḥ // (9) Par.?

antataḥ pratihartre dadāti // (10) Par.?

ardham ardhibhyas tṛtīyaṃ tṛtīyibhyaḥ pādaṃ pādibhyaḥ / (11.1) Par.?

te dvādaśāhe vyākhyātāḥ // (11.2) Par.?

ṛtvigbhyo dattvā prasarpakebhyo dadāti // (12) Par.?

ete dakṣiṇena pṛṣṭhyām antaḥ sadasy upaviṣṭā bhavanti // (13) Par.?

nānārṣeyāya viduṣe dadāti / (14.1) Par.?

nārṣeyāyāviduṣe / (14.2) Par.?

ārṣeyāyaiva viduṣe dadāti // (14.3) Par.?

na kaṇvakaśyapebhyo na jñātaye nartvije prasṛptāya na bhīto na yācamānāya / (15.1) Par.?

yāṃ yācamānāya dadāty enaṃ sā dakṣiṇā gacchatīti vijñāyate // (15.2) Par.?

brāhmaṇāya śrotriyāyāntarvedy āsīnāya dakṣiṇāṃ dadāti // (16) Par.?

apy abrāhmaṇāya vidyāvide deyam // (17) Par.?