Texts
Select a text:
Bibliography
Bibliography
Select a chapter:
(no revisions)
Show parallels Show headlines
Use dependency labeler
(no revisions)
Associated topic(s): Mīmāṃsā
Show parallels Show headlines
Use dependency labeler
Chapter id: 17268
- Click on a sentence to show its analysis
- Keep the mouse pointer over a lemma to show its meanings.
aṣṭakṛtvo gośabda uccarita iti vadanti nāṣṭau gośabdā iti // (1) Par.?
kim ato yady evam // (2) Par.?
anena vacanenāvagamyate pratyabhijānantīti // (3) Par.?
vayaṃ tāvat pratyabhijānīmo na naḥ karaṇadaurbalyam // (4) Par.?
evam anye 'pi pratyabhijānanti // (5) Par.?
sa evāyam iti // (6) Par.?
pratyabhijānānā vayam ivānye 'pi nānya iti vaktum arhanti // (7) Par.?
atha matam anyatve sati sādṛśyena vyāmūḍhāḥ sa iti vakṣyanti // (8) Par.?
tan na // (9) Par.?
na hi te sadṛśa iti pratiyanti kiṃ tarhi sa evāyam iti // (10) Par.?
vidite ca sphuṭe 'nyatve vyāmoha iti gamyate // (11) Par.?
na cāyam anya iti pratyakṣam anyad vā pramāṇam asti // (12) Par.?
syād etad buddhikarmaṇī api te pratyabhijñāyete // (13) Par.?
te 'pi nitye prāpnutaḥ // (14) Par.?
naiṣa doṣaḥ // (15) Par.?
na hi te pratyakṣe // (16) Par.?
atha pratyakṣe nitye eva // (17) Par.?
hyastanasya śabdasya vināśād anyo 'dyatana iti cet // (18) Par.?
naiṣa vinaṣṭo yata enaṃ punar upalabhāmahe // (19) Par.?
na hi pratyakṣadṛṣṭaṃ muhūrtam adṛṣṭvā punar upalabhyamānaṃ pratyabhijānanto vinaṣṭaṃ parikalpayanti // (20) Par.?
parikalpayanto dvitīyasaṃdarśane mātari jāyāyāṃ pitari vā nāśvasyuḥ // (21) Par.?
na hy anupalambhamātreṇa nāstīty avagamya naṣṭa ity eva kalpayanti // (22) Par.?
apramāṇatāyāṃ viditāyāṃ nāstīty avagacchāmaḥ // (23) Par.?
na hi pramāṇe pratyakṣe saty apramāṇatā syāt // (24) Par.?
astīti punar avyāmohenāvagamyamāne na kvacid apy abhāvaḥ // (25) Par.?
na cāsiddhe 'bhāve vyāmoho na ca siddho 'bhāvaḥ // (26) Par.?
tasmād asati vyāmohe nābhāvaḥ // (27) Par.?
tad etad ānupūrvyā siddham // (28) Par.?
tasmāt purastād anuccāritam anupalabhamānā api na vinaṣṭa ity avagantum arhanti // (29) Par.?
yathā gṛhān nirgatāḥ sarvagṛhajanam apaśyantaḥ punaḥ praviśyopalabhamānā api na prāk praveśād vinaṣṭa ity avagacchanti // (30) Par.?
tadvad enam api nānya iti vaktum arhanti // (31) Par.?
ye 'pi sarveṣāṃ bhāvānāṃ pratikṣaṇaṃ vināśam abhyupagacchanti te 'pi na śaknuvanti śabdasya vaditum // (32) Par.?
ante hi kṣayadarśanāt te manyante // (33) Par.?
na ca śabdasyānto na ca kṣayo lakṣyate // (34) Par.?
sa iti pratyakṣaḥ pratyayaḥ sadṛśa ity ānumānikaḥ // (35) Par.?
na ca pratyakṣaviruddham anumānam udeti // (36) Par.?
svakāryaṃ vā sādhayati // (37) Par.?
tasmān nityaḥ // (38) Par.?
Duration=0.10548496246338 secs.