Texts

Help

Select a text:
Bibliography
Select a chapter:
 (no revisions)
Associated topic(s): Etymology, Grammar, Language

Show parallels  Show headlines
Use dependency labeler
Chapter id: 17325
  • Click on a sentence to show its analysis
  • Keep the mouse pointer over a lemma to show its meanings.
rājñaḥ puruṣo rājapuruṣaḥ // (1.1) Par.?
rājā rājateḥ // (2.1) Par.?
puruṣaḥ puri ṣādaḥ // (3.1) Par.?
puri śayaḥ // (4.1) Par.?
pūrayater vā // (5.1) Par.?
pūrayaty antar ity antarapuruṣam abhipretya // (6.1) Par.?
yasmāt paraṃ nāparam asti kiṃcid yasmān nāṇīyo na jyāyo 'sti kaścit / (7.1) Par.?
vṛkṣa iva stabdho divi tiṣṭhaty ekas tenedaṃ pūrṇaṃ puruṣeṇa sarvam // (7.2) Par.?
ity api nigamo bhavati // (8.1) Par.?
viścakadrākarṣaḥ // (9.1) Par.?
vīti cakadra iti śvagatau bhāṣyate // (10.1) Par.?
drātīti gatikutsanā // (11.1) Par.?
kadrātīti drātikutsanā // (12.1) Par.?
cakadrāti kadrātīti sato 'narthako 'bhyāsaḥ // (13.1) Par.?
tad asminn astīti viścakadraḥ // (14.1) Par.?
kalyāṇavarṇarūpaḥ // (15.1) Par.?
kalyāṇavarṇasyevāsya rūpam // (16.1) Par.?
kalyāṇam kamanīyaṃ bhavati // (17.1) Par.?
varṇo vṛṇoteḥ // (18.1) Par.?
rūpaṃ rocateḥ // (19.1) Par.?
evaṃ taddhitasamāsān nirbrūyāt // (20.1) Par.?
naikapadāni nirbrūyāt // (21.1) Par.?
nāvaiyākaraṇāya // (22.1) Par.?
nānupasannāya // (23.1) Par.?
anidaṃvide vā // (24.1) Par.?
nityaṃ hy avijñātur vijñāne 'sūyā // (25.1) Par.?
upasannāya tu nirbrūyāt // (26.1) Par.?
yo vālaṃ vijñātuṃ syāt // (27.1) Par.?
medhāvine tapasvine vā // (28.1) Par.?
Duration=0.064954996109009 secs.