Texts

Help

Select a text:
Bibliography
Select a chapter:
 (no revisions)
Associated topic(s): agniṣṭoma

Show parallels  Show headlines
Use dependency labeler
Chapter id: 17616
  • Click on a sentence to show its analysis
  • Keep the mouse pointer over a lemma to show its meanings.
devāś ca vā asurāś ca samāvad eva yajñe 'kurvata // (1) Par.?
yad eva devā akurvata tad asurā akurvatāgnihotraṃ darśapūrṇamāsau cāturmāsyāni // (2) Par.?
eṣa vāva tarhi yajña āsīt // (3) Par.?
te devā etaṃ saumyam adhvaram apaśyan // (4) Par.?
tam āharan // (5) Par.?
te 'dīkṣayan // (6) Par.?
te 'gnihotraṃ vratam akurvata // (7) Par.?
agnihotraṃ vāva vratam // (8) Par.?
tasmād yāgnihotrasya skannasya prāyaścittis sā vratasya skannasya prāyaścittiḥ // (9) Par.?
tasmād dvivrato dīkṣitas syāt // (10) Par.?
dvir hy agnihotraṃ juhvati // (11) Par.?
teṣāṃ yat paurṇamāsam āsīt tam agnīṣomīyaṃ paśum akurvata yaḥ pūrvedyur ālabhyate // (12) Par.?
yad dārśaṃ tam āgneyaṃ yo 'nusavanam ālabhyate // (13) Par.?
vaiśvadevaṃ prātassavanam akurvata // (14) Par.?
varuṇapraghāsān mādhyandinaṃ savanam // (15) Par.?
sākamedhāṃs tṛtīyasavanam // (16) Par.?
tṛtīyasavane pitṛyajñam avākalpayan // (17) Par.?
tṛtīyasavane tryambakān // (18) Par.?
te 'surā apakrāmanto 'bruvan // (19) Par.?
na vā ime dhvartavā abhūvann iti // (20) Par.?
tad adhvarasyādhvaratvam // (21) Par.?
tato devā abhavan // (22) Par.?
parāsurā abhavan // (23) Par.?
ya evaṃ vidvān dīkṣate yam evaṃ vidvān dīkṣayati bhavaty ātmanā parāsya bhrātṛvyo bhavati // (24) Par.?
Duration=0.067859888076782 secs.