Texts

uttarato gārhapatyasya devasya tvā savituḥ prasava ity abhrim ādatte // (1.1) Par.?

abhrir asi nārir asīty abhimantrayate // (2.1) Par.?

idam ahaṃ rakṣaso grīvā apikṛntāmīti dakṣiṇasmād aṃsād abhipradakṣiṇaṃ prādeśamātrān kuṣṭhāsūparavān parilikhati yathāyūpāvaṭaṃ bāhumātrān khanati // (3.1) Par.?

auparavāṇāṃ pāṃsūnām agreṇopastambhanaṃ bāhumātraṃ caturasraṃ kharaṃ karoti // (4.1) Par.?

avokṣya sikatābhiḥ prarocayati // (5.1) Par.?

bṛhann asi bṛhadrāya ity anupūrvaṃ khanati // (6.1) Par.?

samrāḍ asīti prathamam udvapati svarāḍ asīti dvitīyaṃ virāḍ asīti tṛtīyaṃ satrarāḍ asīti caturtham // (7.1) Par.?

bṛhann asi bṛhadrāya ity adhastāt saṃtṛdya sarvarāḍ asīti sarvān udvapati // (8.1) Par.?

uduptān utkare pravidhyati // (9.1) Par.?

saṃmṛśa ity uparavān saṃmṛśati // (10.1) Par.?

anumṛśataḥ pūrvayor dakṣiṇam anv adhvaryur aparayor uttaraṃ yajamānaḥ / (11.1) Par.?

kim atreti pṛcchati bhadram ity adhvaryus tan nau saheti yajamānaḥ / (11.2) Par.?

uttaram anv adhvaryur dakṣiṇayor aparaṃ yajamānaḥ / (11.3) Par.?

kim atreti pṛcchati bhadram ity adhvaryus tan ma ity āha yajamānaḥ // (11.4) Par.?

uttarataḥ sadohavirdhānayoḥ samayārdhe catuḥsthūṇaṃ dakṣiṇādvāraṃ prāgvaṃśam āgnīdhraṃ minoti / (12.1) Par.?

tasyārdham antarvedy ardhaṃ bahirvedi // (12.2) Par.?

aparasmād vedyantāt triṣu prakrameṣv aparimite vāvakāśe sado vidadhāti navāratni prācīnaṃ trinavaṃ tiryak tasya madhye dakṣiṇataḥ pṛṣṭhyāyāḥ prakramamātra audumbaryai gartaṃ khanati yathā yūpāvaṭaṃ samānam ā staraṇāt // (13.1) Par.?

yajamānamātrīm audumbarīm ucchrīyamāṇām udgātānvārabhate // (14.1) Par.?

uñśrayasva vanaspata ity ucchrayati // (15.1) Par.?

nitānas tvā māruto nihantv iti prākkarṇīm avadadhāti // (16.1) Par.?

brahmavaniṃ tvā kṣatravaniṃ paryūhāmīti pāṃsubhiḥ paryūhati // (17.1) Par.?

brahma dṛṃha kṣatraṃ dṛṃheti yajamāno dīkṣitadaṇḍena pradakṣiṇaṃ saṃmṛśati // (18.1) Par.?

apo 'nupariṣiñcati // (19.1) Par.?

antarā karṇau hiraṇyaṃ nidhāya ghṛtena dyāvāpṛthivī āpṛṇety abhijuhoti // (20.1) Par.?

ā mūlād avasrāvayati // (21.1) Par.?

udagvaṃśaṃ sado 'ntarmāyu minoti // (22.1) Par.?

audumbarī varṣiṣṭhā sthūṇānāṃ hrasīyasyo 'nyā antyā hrasiṣṭhāḥ // (23.1) Par.?

nava chadīṃṣy agniṣṭoma udaktūlāni pañcadaśokthye saptadaśātirātra ekaviṃśatiḥ sattrāhīnayor ekādaśa ṣoḍaśini vājapeye ca // (24.1) Par.?

viśvajanasya chāyāsīty audumbaryāṃ madhyamaṃ chadir ādadhāti / (25.1) Par.?

pūrvam ādhāyāparam ādadhāti / (25.2) Par.?

dakṣiṇair abhinidadhāty uttarāṇy upakarṣati // (25.3) Par.?

pari tvā girvaṇo gira iti pariśrayati // (26.1) Par.?

madhyamāparayoḥ saṃdhāv indrāya tvety ārabhya japati // (27.1) Par.?

indrasya syūr asīti pravayati // (28.1) Par.?

indrasya dhruvo 'sīti prathamaṃ granthiṃ karoti // (29.1) Par.?

āntāt pratiṣīvyet // (30.1) Par.?

aparān saṃdhīn pratiṣīvya dvāryāḥ pratiṣīvyati // (31.1) Par.?

aindram asīndrāya tveti saṃmitam abhimantrya prokṣaṇīḥ saṃskṛtya rakṣoghno vo valagaghnaḥ prokṣāmi vaiṣṇavān ity uparavān prokṣati // (32.1) Par.?

rakṣohaṇaṃ tvā valagahanam avasiñcāmīty adbhir ekaikam avasiñcati // (33.1) Par.?

rakṣohaṇaṃ tvā valagahanam avastṛṇāmīti darbhair ekaikam avastṛṇāti // (34.1) Par.?

audumbare 'dhiṣavaṇaphalake samopavṛkṇe paścātpurastāt pradhiprakāre bāhumātre / (35.1) Par.?

dvyaṅgulaṃ paścād asaṃhatam // (35.2) Par.?

atihṛtyāntareṇeṣe rakṣoghnī vāṃ valagaghnī upadadhāmīty uparaveṣūpadadhāti // (36.1) Par.?

rakṣoghnī vāṃ valagaghnī paryūhāmīti pāṃsubhiḥ paryūhati // (37.1) Par.?

adhivicayanasya carmaṇo 'dhiṣavaṇaṃ karoti // (38.1) Par.?

atihṛtyāntareṇeṣe rakṣohaṇaṃ tvā valagahanam āstṛṇāmīty adhiṣavaṇaphalakayor āstīrya lomataḥ kuṣṭhāḥ sambadhnāti // (39.1) Par.?