Texts

Help

Select a text:
Bibliography

Select a chapter:
(no revisions)

Associated topic(s): Medicine, botany, plants

Show parallels Show headlines
Use dependency labeler

Chapter id: 1765

Click on a sentence to show its analysis
Keep the mouse pointer over a lemma to show its meanings.

śarīradhātusāmānyāditi manuṣyamāṃsasamānatvāt // (1) Par.?

etena śītagurusnigdhatvena yuktam apyājamāṃsaṃ śarīradhātusāmyāt kaphaṃ na karotītyuktaṃ bhavati // (2) Par.?

āvikaṃ māṃsaṃ madhuraśītatvena pittaharamapi boddhavyam ata eva śaradvidhāv apyuktam urabhraśarabhān iti // (3) Par.?

raktapittanidāne tu varāhamahiṣetyādinā dravyāntarasaṃyuktasyaivāvikamāṃsasya raktapittakartṛtvaṃ jñeyam // (4) Par.?

yonāv iti prasahādyaṣṭavidhajātau // (5) Par.?

miśragocaratvāditi kadācidanūpasevanāt kadācid dhanvasevanāt kadācid ubhayasevanād ajāvyor aniścitayonitvam ityarthaḥ // (6) Par.?

atra aniścite iti yoniviśeṣaṇaṃ kiṃvā ajā ca avī ca ete aniścite // (7) Par.?

nanu yadyevaṃ tadā tittirirapi dhanvānūpasevanānna viṣkiragaṇe paṭhanīyaḥ // (8) Par.?

naivaṃ tittirijātiviśeṣasya dhanvānūpayor niyamena niṣevaṇād guṇaniyamaḥ pāryate kartum avyajayostu niyamo'yaṃ nāsti yataḥ kecidajāvī dhanvamātracare keciccānūpamātracare keciccobhayamātracare tena tayor niyamacarakṛto yonibhedaḥ kartuṃ na pāryate // (9) Par.?

Duration=0.038155078887939 secs.