Texts

antarālaṃ kurutaḥ // (1) Par.?

vaiṣṇavam asi viṣṇus tvottabhnātv ity upastabhnutaḥ // (2) Par.?

purastādunnate bhavataḥ // (3) Par.?

divo vā viṣṇav uta vā pṛthivyā ity āśīrpadayarcā dakṣiṇasya havirdhānasya dakṣiṇaṃ karṇātardam apareṇa methīṃ nihanti viṣṇor nu kam ity uttarasyottaraṃ karṇātardam apareṇa pratiprasthātā // (4) Par.?

viṣṇor dhruvam asīti tatraite nibadhnītaḥ // (5) Par.?

viṣṇor dhruvo 'sīti granthī kurutas tau prajñātau bhavataḥ // (6) Par.?

ūrdhvāḥ śamyāḥ samutkṛṣyopariṣṭāt pariveṣṭayato yathāsuṣṭhu // (7) Par.?

paryantyāḥ sthūṇā minutaḥ // (8) Par.?

yathāgreṇa kharaṃ saṃcaro bhavati // (9) Par.?

agreṇa havirdhāne sthūṇe nihatya tayor udagagraṃ vaṃśaṃ nidhāya prāco vaṃśān ādadhāti // (10) Par.?

viṣṇoḥ pṛṣṭham asīti madhyamaṃ chadir adhi nidadhāti // (11) Par.?

viṣṇo rarāṭam asīti purastād rarāṭīṃ pariśrayati // (12) Par.?

tejanī rarāṭyaiṣīkī prācy aṇūkāṇḍā madhye vitatāṃ tāṃ vaṃśe nibadhnāti // (13) Par.?

viṣṇoḥ śnyaptre stha iti rarāṭyā antau vyavāsyati // (14) Par.?

kaṭāṃs tejanīś ca pravartaṃ chadiṣām antarāleṣv anvavasyanti // (15) Par.?

tān antarvartā ity ācakṣate // (16) Par.?

pari tvā girvaṇo gira ity abhitaḥ pariśrayataḥ // (17) Par.?

pūrvam aparaṃ ca dvāre kurutaḥ // (18) Par.?

adhvaryur dakṣiṇāṃ dvāreyīṃ pariṣīvyati pratiprasthātottarām // (19) Par.?

viṣṇoḥ syūr asīti sīvyataḥ // (20) Par.?

viṣṇor dhruvo 'sīti granthī kurutas tau prajñātau bhavataḥ // (21) Par.?

vaiṣṇavam asi viṣṇave tveti saṃmitam abhimṛśataḥ // (22) Par.?

pra tad viṣṇuḥ stavate vīryāya mṛgo na bhīmaḥ kucaro giriṣṭhāḥ / (23.1) Par.?

yasyoruṣu triṣu vikramaṇeṣv adhikṣiyanti bhuvanāni viśveti saṃmitāddhavirdhānāt prāg upaniṣkrāmataḥ // (23.2) Par.?

upaniṣkramya vā japataḥ // (24) Par.?

trīn prācaḥ prakramān prakramya japata ity ekeṣām // (25) Par.?