Texts

Help

Select a text:
Bibliography

Select a chapter:
(no revisions)

Associated topic(s): agniṣṭoma

Show parallels Show headlines
Use dependency labeler

Chapter id: 17705

Click on a sentence to show its analysis
Keep the mouse pointer over a lemma to show its meanings.

yavamatībhir adbhir uparavāṃs triḥ prokṣati // (1) Par.?

rakṣohaṇo valagahano 'vanayāmi vaiṣṇavān iti yavamatīr apo 'vanayati // (2) Par.?

yavo 'sīti yavaṃ prāsyati // (3) Par.?

rakṣohaṇo valagahano 'vastṛṇāmi vaiṣṇavān iti prācā barhiṣāvastṛṇāti // (4) Par.?

rakṣohaṇo valagahano 'bhijuhomi vaiṣṇavān iti hiraṇyam antardhāya sruveṇābhijuhoti // (5) Par.?

rakṣohaṇau valagahanau prokṣāmi vaiṣṇave ity adhiṣavaṇaphalake prokṣaty audumbare kārṣmaryamaye pālāśe vā taṣṭe pradhimukhe saṃhite purastāt samāpikarte paścād dvyaṅgulena tryaṅgulena caturaṅgulena vā paścād asaṃhite saṃtṛṇṇe asaṃtṛṇṇe vā // (6) Par.?

rakṣohaṇau valagahanāv upadadhāmi vaiṣṇavī ity adhiṣavaṇaphalakābhyām uparavān apidadhāti dvau dakṣiṇena dvāv uttareṇa // (7) Par.?

rakṣohaṇau valagahanau paryūhāmi vaiṣṇavī ity auparaveṇa purīṣeṇa paryūhati // (8) Par.?

rakṣohaṇau valagahanau paristṛṇāmi vaiṣṇavī iti darbhaiḥ paristṛṇāti // (9) Par.?

rakṣohaṇau valagahanau vaiṣṇavī ity abhimantrayate // (10) Par.?

rakṣohat tvā valagahat prokṣāmi vaiṣṇavam ity adhiṣavaṇacarma prokṣati // (11) Par.?

lohitam ānaḍuham upariṣṭāllomāsecanavad yathābhiṣavāyopāptaṃ bhavati // (12) Par.?

rakṣohat tvā valagahat stṛṇāmi vaiṣṇavam ity adhiṣavaṇaphalakayor āstṛṇāti // (13) Par.?

tasmiṃś caturo grāvṇaḥ saṃsādayaty ūrdhvasānūn āhananaprakārān uparaṃ prathiṣṭhaṃ madhye pañcamam // (14) Par.?

bṛhann asīty ekaikam // (15) Par.?

rakṣoghno vo valagaghnaḥ prokṣāmi vaiṣṇavān ity upare grāvṇaḥ saṃmukhān kṛtvā prokṣati // (16) Par.?

auparavasya purīṣasyāgreṇopastambhanaṃ caturaśraṃ kharaṃ karoti yāvantam āptaṃ pātrebhyo manyate // (17) Par.?

Duration=0.048250913619995 secs.