Texts

Help

Select a text:
Bibliography
Select a chapter:
 (no revisions)
Associated topic(s): Property

Show parallels  Show headlines
Use dependency labeler
Chapter id: 7961
  • Click on a sentence to show its analysis
  • Keep the mouse pointer over a lemma to show its meanings.
Stolen goods
nikṣiptaṃ vā paradravyaṃ naṣṭaṃ labdhvāpahṛtya vā / (1.1) Par.?
vikrīyate 'samakṣaṃ yad vijñeyo 'svāmivikrayaḥ // (1.2) Par.?
dravyam asvāmivikrītaṃ prāpya svāmī samāpnuyāt / (2.1) Par.?
prakāśaṃ krayataḥ śuddhiḥ kretuḥ steyaṃ rahaḥ krayāt // (2.2) Par.?
asvāmyanumatād dāsād asataś ca janād rahaḥ / (3.1) Par.?
hīnamūlyam avelāyāṃ krīṇaṃs taddoṣabhāg bhavet // (3.2) Par.?
na gūhetāgamaṃ kretā śuddhis tasya tadāgamāt / (4.1) Par.?
viparyaye tulyadoṣaḥ steyadaṇḍaṃ ca so 'rhati // (4.2) Par.?
vikretā svāmine 'rthaṃ ca kretur mūlyaṃ ca tatkṛtam / (5.1) Par.?
dadyād daṇḍaṃ tathā rājñe vidhir asvāmivikraye // (5.2) Par.?
pareṇa nihitaṃ labdhvā rājany upaharen nidhim / (6.1) Par.?
rājagāmī nidhiḥ sarvaḥ sarveṣāṃ brāhmaṇād ṛte // (6.2) Par.?
brāhmaṇo 'pi nidhiṃ labdhvā kṣipraṃ rājñe nivedayet / (7.1) Par.?
tena dattaṃ ca bhuñjīta stenaḥ syād anivedayan // (7.2) Par.?
svam apy arthaṃ tathā naṣṭaṃ labdhvā rājñe nivedayet / (8.1) Par.?
gṛhṇīyāt tatra taṃ śuddham aśuddhaṃ syāt tato 'nyathā // (8.2) Par.?
Duration=0.030864953994751 secs.